Երկրի մթնոլորտում ջերմոցային գազերի ռեկորդային բարձր մակարդակ է գրանցվել. ESSD

Կլիմայագետները նշում են, որ Երկրի վրա կլիմայի գլոբալ փոփոխությունը վերջին տարիներին արագացել է 0,2 աստիճան Ցելսիուսով։

Դա պայմանավորված է ջերմոցային գազերի արտանետումների աննախադեպ բարձր մակարդակով։ Նման եզրակացության են եկել ԱՄՆ-ի, Մեծ Բրիտանիայի, Ֆրանսիայի, Գերմանիայի և Իտալիայի գիտնականները մի շարք հետազոտություններից հետո, որոնց արդյունքները հրապարակվել են Earth System Science Data ամսագրում։

Գիտական ​​աշխատանքն ընդգրկել է 2013-ից 2022 թվականն ընկած ժամանակահատվածը, երբ գլոբալ տաքացումը վտանգավոր թափ ստացավ։ Փորձագետների կարծիքով՝ ջերմոցային գազերի արտանետումները ամենաբարձրն են եղել ողջ դիտարկման ժամանակահատվածում։ 19-րդ դարի սկզբից մինչև մեր օրերը Երկրի միջին ջերմաստիճանն աճել է 1,26 աստիճանով։