Արեւմուտքն Ուկրաինայում պատերազմի զարգացման երեք վարկած է տեսնում․ Economist
Արեւմտյան վերլուծաբաններն ու պաշտոնյաները Ուկրաինայում պատերազմի զարգացման երեք հիմնական սցենար են տեսնում Ուկրաինայի զինված ուժերի հակահարձակումից հետո, ասված է այս շաբաթ հրապարակված Economist-ի նյութում, փոխանցում է BBC News-ը:
Դրանցից առաջինի համաձայն՝ Ուկրաինան մեծ բեկում է կատարում՝ վերադարձնելով երկրի արեւելքում գտնվող տարածքների զգալի մասը եւ, հնարավոր է, նույնիսկ սկսում է սպառնալ բռնակցված Ղրիմին։ Ճակատում նման կորուստների պատճառով Վլադիմիր Պուտինը կարող է կորցնել իշխանությունը։
Շատերի համար սա Եվրոպայի խաղաղությունը վերականգնելու լավագույն միջոցն է։ Բայց իրադարձության զարգացման այս տարբերակը մտավախություն է առաջացնում, որ քաոսի մեջ ընկղմված Ռուսաստանը կարող է կորցնել իր միջուկային զինանոցի նկատմամբ վերահսկողությունը։
Երկրորդ սցենարը, ինչպես գրում է պարբերականը, ենթադրում է Ռուսաստանի ավելի քիչ կորուստներ, բայց նաեւ հետագա պարտությունների հեռանկար։ Դա կարող է բավարար լինել Պուտինի իշխանությունը թուլացնելու համար։
Երրորդ, ավելի մռայլ արդյունքը կլինի փակուղային իրավիճակը, որը թույլ կտա Ռուսաստանին պահել իր գրավածի մեծ մասը, նույնիսկ հակահարձակումից հետո։ Դա կխաթարի Արեւմուտքի հավատն Ուկրաինայի հաջողության հանդեպ եւ կխրախուսի Պուտինին։
Չնայած բոլոր ռազմական անհաջողություններին, թվում է, թե Պուտինը չի հրաժարվի Ուկրաինան իրեն ենթարկեցնելու ծրագրերից՝ բռնակցելով տարածքները եւ Կիեւում խամաճիկային կառավարություն հաստատելով, գրում է Economist-ը՝ հղում անելով Ռուսաստանի եւ Եվրասիայի ուսումնասիրության Բեռլինյան Կարնեգի կենտրոնի տնօրեն Ալեքսանդր Գաբուեւին: Դրան Կրեմլը, հավանաբար, ակնկալում է հասնել՝ երկար տարիներ ձգելով հակամարտությունը։
Պատերազմի ձգձգումից կարելի է խուսափել, եթե Ուկրաինան հասնի նկատելի ռազմական հաղթանակների, ինչպես նաեւ Արեւմուտքի երկրների ընդլայնված երաշխիքների հաշվին ՝ Կիեւին ռազմական եւ հումանիտար օգնություն ցուցաբերելու համար, գրում է Economist-ը։ Եթե պաշտպանության եւ ենթակառուցվածքների վերականգնման վերաբերյալ նման երաշխիքներն իրավաբանորեն ձեւակերպվեն երկար ժամկետով, դա կոչնչացնի Կրեմլի հույսերը, որ Արեւմուտքը «կհոգնի» Ուկրաինային օգնելուց։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին