Դանիայում վարորդին տուգանել են 121,000 եվրոյով՝ թույլատրելի արագությունը գերազանցելու համար

Հարուստ վարորդը Ֆինլանդիայում տուգանվել է 121,000 եվրոյով (129,544 դոլար) թույլատրելի արագության չափը գերազանցելու համար. նման մեծ տուգանքը բացատրվում է նրանով, որ այնտեղ տույժերը հաշվարկվում են օրինախախտի եկամուտների հիման վրա, գրում է dw.com-ը:

«Ես իսկապես ցավում եմ», - ասել է օրինախախտը՝ գործարար Անդերս Վիկլոֆը՝ հույս հայտնելով, որ իր վճարած գումարը կուղղվի առողջապահության համակարգին։

Աղբյուրը մանրամասնում է, որ Վիկլոֆը մեքենան ժամում 82 կիլոմետր արագությամբ է վարել 50 կիլոմետր/ժամ արագությամբ գոտում, երբ ոստիկանությունն իրեն կանգնեցրել է և տուգանել: Տուգանքից բացի նրա վարորդական իրավունքը 10 օրով կասեցվել է։

Սա առաջին դեպքը չէր, երբ Վիկլոֆին տուգանում են արագ վարելու համար: 2018 թվականին նա տուգանվել է 63,680 եվրոյով (մոտ 68,000 դոլար), իսկ հինգ տարի առաջ նա ստիպված է եղել վճարել 95,000 եվրո (մոտ 102,000 դոլար):

Վիկլոֆը հոլդինգային ընկերության նախագահ է, որը ներառում է բիզնեսներ լոգիստիկայի, ուղղաթիռների սպասարկման, անշարժ գույքի, առևտրի և զբոսաշրջության ոլորտներում: