Կոսովոյի վարչապետը հայտարարել է, որ բողոքող սերբերին պետք է բանտ նստեցնել Կոսովոյում կամ արտաքսել Սերբիա

Կոսովոյի վարչապետ Ալբին Կուրտին հայտարարել է, որ բողոքող սերբերին պետք է բանտ նստեցնել Կոսովոյում կամ արտաքսել Սերբիա: Այս մասին նա ասել է Բրատիսլավայում GLOBSEC-ի անվտանգության հարցերով գագաթաժողովում, հաղորդում է «Вечерние новости»-ն։

«Բողոքող ամբոխին կամ պետք է հետ ուղարկել Սերբիա կամ բանտարկել Կոսովոյում»,-ասել է նա։

Ավելի վաղ հաղորդվել է, որ ավելի քան հազար սերբեր մայիսի 31-ին հավաքվել են Կոսովոյի ինքնահռչակ հանրապետության հյուսիսում գտնվող Զվեչանի քաղաքապետարանի շենքի դիմաց, նրանք իրենց հետ բերել են 250 մետրանոց ազգային դրոշ:

Ալբանական իշխանությունների դեմ բողոքի ցույցին ռեկորդային թվով մարդիկ են մասնակցել։ Դեպքի վայր են ուղարկվել զրահատեխնիկա եւ Կոսովոյի ոստիկանության հատուկ նշանակության ջոկատներ, որոնց թիվը նախորդ օրերի համեմատ զգալիորեն ավելացել է: Միեւնույն ժամանակ, ՆԱՏՕ-ի KFOR ուժերը քաղաքապետարանի շենքի մոտ փշալարերի մի քանի շարքեր են ձգել։