Գործող իշխանությունը առաջնորդվում է սեփական աթոռն ամեն գնով պահելու բացառիկ շահով. Թադևոս Ավետիսյան
ՀՀ ԱԺ «Հայաստան» խմբակցության պատգամավոր Թադևոս Ավետիսյանի ելույթը ԱԺ-ում.
«Թշնամին հետևողականորեն իրականացնում է Արցախի հայաթափման իր ծրագիրը։ Խախտված են եռակողմ բոլոր պայմանավորվածությունները։
Արդեն շուրջ կես տարի փակ է Բերձորի միջանցքը՝ Արցախը Հայաստանի հետ կապող միակ ճանապարհը։ Շրջափակման մեջ են հայտնվել Արցախի Հանրապետության 120 հազար փաստացի բնակչությունը։ Արցախի տնտեսությունը արդեն իսկ կրել է շուրջ 150 միլիարդ դրամի կորուստներ։ Ամեն օր ավելանում և խորանում են խնդիրները հանրային կյանքի բոլոր ոլորտներում։
Թուրք-ադրբեջանական տանդեմի իրական նպատակն ակնհայտ է՝
Արցախը կտրել արտաքին աշխարհից,
կազմաքանդել պետական կառավարման համակարգը,
անդառնալի և կործանարար հարված հասցնել տնտեսությանը, նյութական արժեքներ ստեղծելու կայուն հիմքերին,
ստեղծել հումանիտար աղետ՝ իր բոլոր անմարդկային դրսևորումներով,
վերջապես՝ այս ճանապարհով հայաթափել Արցախը։
Պարզից էլ պարզ է՝ խախտված են արցախահայության հիմնարար բոլոր իրավունքները։ Խաթարված են գոյատևման և սեփական հայրենիքում ապրելու հնարավորությունները։
Եվ սա արվում է հավաքական մեկ նպատակով՝ ցեխասպանություն և հայրենազրկում։
Ակնհայտ է՝ Հայաստանի գործող իշխանությունը առաջնորդվում է սեփական աթոռն ամեն գնով պահելու իր բացառիկ շահով, ինչը սկզբունքորեն հակասում է հայ ժողովրդի ազգային շահերին, հայրենիք ունենալու և արժանապատիվ ապրելու մեր բոլոր ձգտումներին, ավելին՝ հենց իրենց նախընտրական խոստումներին և ծրագրին։
Ադրբեջանի հետ համաքայլ Հայաստանի գործող իշխանությունը սլանում է հակահայ ընթացքով՝ հանգրվանելով ապազգային նորանոր բարձրունքներում։ Երեկ, արդեն բացահայտ կերպով Արցախը՝ մեր հայրենիքի մի մասը ճանաչեցին Ադրբեջանի կազմում։
Այլընտրանք չկա։ Հայրենազրկման կործանարար այս ընթացքն ու հայրենադավ առաջնորդությունը պետք է կասեցվեն։ Պետականություն և արժանապատիվ խաղաղություն ունենալու միակ ճանապարհը դիմադրությունն ու միասնական պայքարն է՝ համահայկական համախմբմամբ, յուրաքանչյուր հայ մարդու ներուժի հավաքական գործադրումով Արցախում, Հայաստանում և Սփյուռքում։
Ի հեճուկս Հայաստանի ներքին և արտաքին թշնամիների Արցախը մնալու է հայկական։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Արդեն մոտ 2 ժամ է՝ փրկարարները, ոստիկաններն ու քաղաքացիների Փամբակ գետում որոնում են մոտ 15-ամյա աղջ...
Ցեմենտի ներմուծումը 6 ամսով կսահմանափակվի
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...