Վրաստանում հայտնել են, որ երկիրը կտուժի Ռուսաստանի դեմ պատժամիջոցների պատճառով

Վրաստանի խորհրդարանի փոխխոսնակ Գիա Վոլսկին հայտարարել է, որ երկիրը տնտեսապես կտուժի Ռուսաստանի դեմ պատժամիջոցների կիրառման դեպքում:

«Մեզ պարտադրում են անցնել պատժամիջոցների ռեժիմի, թեեւ Վրաստանը կտուժի տնտեսական տեսանկյունից, եւ վտանգ կա, որ կտուժի նաեւ ռազմական տեսանկյունից»,-ասել է նա։

Նրա խոսքով՝ Ռուսաստանը բազմաթիվ ռեսուրսներ ունի վնաս հասցնելու համար։ Վոլսկին հավելել է, որ այժմ Վրաստանի վրա «ճնշում են գործադրում, որպեսզի մենք անցնենք մի ռեժիմի, որը միայն կվնասի մեզ»։