58 տարեկանում մահացել է «Ավատար» ֆիլմի խմբագիր Ջոն Ռեֆուան

Կյանքի 59-րդ տարում մահացել է ամերիկացի կինոխմբագիր Ջոն Ռեֆուան։ Այս մասին հայտնում է The Hollywood Reporter-ը։

Ռեֆուան մահացել է լեղուղիների քաղցկեղի բարդություններից, որը կոչվում է խոլանգիոկարցինոմա, որը նրա մոտ ախտորոշվել է 2022 թվականի սկզբին: Խմբագրի կինն ասել է, որ նա շարունակել է աշխատել մինչեւ իր կյանքի վերջին օրերն ու «քաջությամբ ու տոկունությամբ» շարունակել է առաջ շարժվել։

Ջոն Ռեֆուան աշխատել է «Ավատար» եւ «Ավատար. Ջրի ճանապարհը» ֆիլմերի վրա։ Խմբագիրը, ռեժիսոր Ջեյմս Քեմերոնի եւ Սթիվեն Է. Ռիվկինի հետ միասին, 2010 թվականին առաջադրվել են Օսկարի՝ «Լավագույն նվաճում ֆիլմի մոնտաժում» անվանակարգում՝ «Ավատար» ֆիլմում իրենց համագործակցության համար:

Ռեֆուան նաեւ զբաղվել է այնպիսի նախագծերի մոնտաժով, ինչպիսիք են «Կարգ ու կանոն»-ը, «Անդունդի ուրվականներ․ Տիտանիկ-ը», «Հիանալի յոթնյակ»-ը, «Տրանսֆորմերներ․ վերջին ասպետ»-ը։ Նա նաեւ հասցրել է փոքր-ինչ աշխատել «Ավատար 3» ժապավենի վրա։