Մինչև $150 արժողությամբ լավագույն Android սմարթֆոններ, որոնք արժանի են ուշադրության

Gizchina կայքի խմբագիրները կազմել են Android սմարթֆոնների մայիսի լավագույն հնգյակը, որոնց արժեքը չի գերազանցում 150 դոլարը։ Հեռախոսները, իրենց գնի համեմատ, ունեն բավականին լավ բնութագրեր և արժանի են ուշադրության։

Առաջին տեղում բյուջետային Poco M5-ն է, որն ստացել է 6,58 դյույմանոց IPS էկրան Full HD+ լուծաչափով, MediaTek Helio G95 չիպ և երեք տեսախցիկ՝ 50 ՄՊ հիմնական տեսախցիկ, 2 ՄՊ մակրո մոդուլ և 2 ՄՊ խորության սենսոր։ Սմարթֆոնը սնուցվում է 5000 մԱ/ժ հզորությամբ մարտկոցով և ունի 18 Վտ արագ լիցքավորման աջակցություն։

Ցանկի երկրորդ տեղում է ոչ այնքան հայտնի արտադրողի Ulefone Note 16 Pro հեռախոսը: Այն ունի 6,52 դյույմանոց HD էկրան, Unisoc Tiger T606 չիպ, 50 ՄՊ հիմնական տեսախցիկ և 2 ՄՊ մակրո մոդուլ։ Միևնույն ժամանակ, 4400 մ/Աժ մարտկոցն ստացել է 10 վտ հզորությամբ լիցքավորման աջակցություն։

Վարկանիշային ցանկի երրորդ տեղում է Redmi 12C-ը՝ MediaTek Helio G85 չիպի վրա հիմնված բյուջետային սմարթֆոնն է, որն ունի մեծ՝ 6,71 դյույմանոց HD էկրան, երկու տեսախցիկ՝ հիմնականը՝ 50 ՄՊ և մակրո մոդուլ՝ 2 ՄՊ լուծաչափով։ 5000 մԱ/ժ հզորությամբ մարտկոցը լիցքավորվում է 10 վտ առավելագույն հզորությամբ։

Չորրորդ տեղում է քիչ հայտնի Doogee N50-ը, որն ունի Unisoc Tiger T606 չիպսեթ, 8 ԳԲ օպերատիվ և 128 ԳԲ ներկառուցված հիշողություն։ Հեռախոսն ունի 6,52 դյույմանոց մեծ էկրան HD+ լուծաչափով, որը վերևի հատվածում ունի 8 ՄՊ սելֆի տեսախցիկ: Հետևի մասում կա 50 ՄՊ հիմնական տեսախցիկ և 2 ՄՊ մակրոմոդուլ: Doogee N50-ը սնուցվում է 4200 մԱ/ժ հզորությամբ մարտկոցով, որն աջակցում է 18 Վտ արագ լիցքավորում:

Ցանկի վերջին՝ հինգերորդ հորիզոնականն զբաղեցնում է OnePlus Nord N20 SE-ն։ Սմարթֆոնն ունի MediaTek Helio G35 պրոցեսոր, 4 ԳԲ օպերատիվ և 64 ԳԲ ներկառուցված (կա նաև 4/128 ԳԲ տարբերակը) հիշողություն։ Nord N20 SE-ն ունի 6,56 դյույմանոց IPS էկրան՝ HD+ լուծաչափով, որի վերևում կա 8 ՄՊ սելֆիի տեսախցիկ։ Հիմնական տեսախցիկը՝ 50 ՄՊ է՝ զուգակցված 2MP խորության սենսորի հետ: OnePlus Nord N20 SE-ն սնուցվում է 5000 մԱ/ժ հզորությամբ մեծ մարտկոցով և աջակցում է 33 Վտ արագ լիցքավորում։