Twitter-ում լուրեր են հայտնվել Ջորջ Սորոսի մահվան մասին

Թվիթերում մի շարք բլոգերներ տեղեկացրել են 92-ամյա միլիարդատեր եւ քաղաքական գործիչ Ջորջ Սորոսի մահվան մասին։ Politics For All Ireland օգտահաշիվը տեղեկացրել է, որ Սորոսը մահացել է սրտի նոպայից, եւ որ նրա ընտանիքը հաստատել է այս տեղեկությունը։ Սակայն ոչ մի խոշոր գործակալություն առայժմ չի հրապարակել այս լուրը, եւ հարազատների կողմից պաշտոնական հաստատում նույնպես չի եղել։

Ջորջ Սորոսը հունգարական ծագում ունեցող ամերիկացի ֆինանսիստ-ներդրող է, նրան են վերագրվում գունավոր հեղափոխությունները, ռազմական ներխուժումները եւ քաղաքական այլ իրադարձություններ, որոնք փոխել են քաղաքական իրադրությունն աշխարհի տարբեր մասերում։

Սորոսը Soros Fund Management ներդրումային ընկերության հիմնադիրն է։ Այն հայտնի է դարձել շնորհիվ բրիտանական արժույթի սպեկուկլյացիաների, հատկապես 1992թ. «սեւ չորեքշաբթիի» ժամանակ (ֆունտ սթեռլինգի փոխարժեքի փլուզում)։