Կինս ինձնից երեխա էր պահանջում. Արմեն Ջիգարխանյանը՝ երիտասարդ կնոջից բաժանվելու ևս մի պատճառի մասին (տեսանյութ)

ԽՍՀՄ ժողովրդական արտիստ Արմեն Ջիգարխանյանի ու նրա երիտասարդ կնոջ շուրջ ծագած սկանդալը շարունակում է մնալ ռուսական լրատվամիջոցների ուշադրության կենտրոնում:

Երեկ 82-ամյա դերասանը խոսել է իրենից 44 տարով փոքր կնոջից՝ Վիտալինա Ցիմբալյուկ-Ռոմանովսկայայից բաժանվելու բազմաթիվ խնդիրներից ևս մեկի մասին:

Ինչպես նշում է ntv.ru-ն, նյութական հարցերից զատ՝ ամուսինները վիճել են ևս մի թեմայի շուրջ. Վիտալինան երազում էր մայր դառնալ ու տարեց դերասանից երեխա ունենալ: Մինչդեռ Ջիգարխանյանը կտրուկ դեմ էր դրան ու այդ մասին բազմիցս ասել է կնոջը:

«Նա ինձնից երեխա էր ուզում: Բայց ես ինչպե՞ս կարող էի նման քայլի գնալ: Միայն արկածախնդիր մարդը կհամաձայնի 80 տարեկանում երեխա ունենալ»,-ասել է Ջիգարխանյանը НТВ-ին տված հարցազրույցում:

Դերասանի խոսքով՝ նա պատրաստ չէր նման պատասխանատվություն ստանձնել ու հայրանալ՝ հստակ գիտակցելով, որ չի տեսնի նույնիսկ, թե ինչպես է փոքրիկ ժառանգն առաջին դասարան գնում: Հայտնի է, որ դերասանի միակ ժառանգը՝ Ելենա Ջիգարխանյանը, մահացել է 1987թ.՝ 23 տարեկանում:

Հիշեցնենք, որ Ջիգարխանյանն ավելի վաղ հայտնել էր ամուսնալուծվելու հստակ որոշման մասին: Նա կնոջը գող ու ստոր մարդ էր անվանել՝ պնդելով, որ երիտասարդ շիկահերը յուրացրել է իր ունեցվածքը՝ այդ թվում նաև բնակարանները:

Սիրված դերասանի խոսքով՝ կինն ուղակի «հրեշ է», որին ինքը կփորձի մոռանալ:

Այժմ Ջիգարխանյանը գտնվում է հիվանդանոցում: Նա հոսպիտալացվել էր կնոջ հետ վիճաբանության հետևանքով առողջական վիճակի կտրուկ վատացման պատճառով:

Մինչդեռ Ցիմբալյուկ-Ռոմանովսկայան հարցազրույցներից մեկում հույս է հայտնել, որ դեռևս կարող է հարթել ամեն ինչ ու վերադարձնել ամուսնուն: Կնոջ կարծիքով՝ ստեղծված իրավիճակում մեղավոր են Ջիգարխանյանի ընկերները, որոնք ամուսնուն իր դեմ են տրամադրում:

Այս թեմայով Արմեն Ջիգարխանյանի ժառանգությանը տիրացել են կողմնակի մարդիկ Ցիմբալյուկ-Ռոմանովսկայան 84-ամյա Արմեն Ջիգարխանյանից մեկ մլն ռուբլի է պահանջում Արմեն Ջիգարխանյանին դուրս են գրել հիվանդանոցից Արմեն Ջիգարխանյանը հոսպիտալացվել է և գտնվում է վերակենդանացման բաժանմունքում Ջիգարխանյանի նախկին կինն ամուսնալուծությունից հետո առաջին անգամ անկեղծացել է (տեսանյութ)