Կանգ չենք առնի, մինչեւ որ նոր ղեկավարություն չլինի, որը կներկայացնի Հայաստանի շահերը. Սաղաթելյան
Հայաստանի Հանրապետության Ազգային ժողովի նախկին փոխնախագահ Իշխան Սաղաթելյանի հարցազրույցը MIASIN.RU կայքին
Արդեն հինգերորդ տարին է՝ Հայաստանի իշխանությունը զավթել են կոլաբորացիոնիստները, որոնք պաշտպանում են թշնամական պետությունների շահերը։ Մեծամասնության կարծիքով՝ ներկա իշխանություններն իրականացնում են հակահայկական քաղաքականություն՝ ի նպաստ Թուրքիայի եւ Ադրբեջանի, եւ դիմադրություն չեն ցուցաբերում այն հավակնություններին, որոնք օրեցօր ավելի ու ավելի են շատանում, ներառյալ ուղիղ տարածքային նկրտումները Հայաստանի նկատմամբ։ Ո՞րն է, ըստ ձեզ, իրավիճակից դուրս գալու ուղին։
Ներկա իշխանություններն իսկապես իրականացնում են հակահայկական քաղաքականություն՝ չպաշտպանելով իրենց երկրի եւ իրենց քաղաքացիների շահերը։ Մենք տեսնում ենք, թե ինչպես են Թուրքիան եւ Ադրբեջանը փորձում զավթել մեր հողը, բայց մեր իշխանությունները բավականաչափ միջոցներ չեն ձեռնարկում սահմանների եւ ժողովրդի պաշտպանության համար։ Այդ քաղաքականության հետեւանքով մենք արդեն կորցրել են մեր տարածքի զգալի մասը, ինչպես նաեւ մեր շատ քաղաքացիների։
Իրավիճակից դուրս գալու ճանապարհը մեր իշխանության լրիվ փոփոխությունն է։ Այս կառավարությունը պետք է հեռանա, եւ պետք է ձեւավորվի նորը, ժողովրդի ներկայացուցիչներից կազմված եւ իսկապես Հայաստանի շահերը պաշտպանող։ Մեզ պետք են առաջնորդներ, որոնք կպայքարեն մեր երկրի իրավունքների համար եւ կպաշտպանեն նրան բոլոր թշնամիներից՝ լինի Թուրքիան, Ադրբեջանը, թե էլի մեկ ուրիշը։ Միայն այդ ժամանակ մենք կկարողանանք պաշտպանել մեր հողն ու պահպանել այն ապագա սերունդների համար։
Բացի այդ, կարեւոր է ամրապնդել կապերը բարեկամական պետությունների հետ, որոնք աջակցում են Հայաստանին տարածքային ամբողջականության եւ ազգային անվտանգության պահպանման իր պայքարում։ Անհրաժեշտ է խթանել դիվանագիտական ջանքերը միջազգային ասպարեզում՝ գրավելու համար համաշխարհային հանրության ուշադրությունը Հայաստանի խնդիրների հանդեպ եւ աջակցելու ինքնորոշման եւ անկախության նրա իրավունքին։
Կարեւոր է նաեւ ակտիվ աշխատանք կատարել երկրի պաշտպանունակության ամրապնդման ուղղությամբ, ներառյալ բանակի պատրաստումն ու համապատասխան ենթակառուցվածքի ստեղծումը։ Դա կօգնի ամրապնդել երկրի պաշտպանությունն ու պաշտպանել նրան հնարավոր արտաքին սպառնալիքներից։
Բայց այդ ամենը հնարավոր է միայն իշխանափոխության դեպքում։
Հայ հասարակությունն ընդդիմության ղեկավարներից սպասում է իշխանափոխության ավելի վճռական եւ եւ արմատական գործողություններ։ Ունե՞ք արդյոք գործողությունների որեւէ կոնկրետ պլան։
Այո, մենք ունենք գործողությունների կոնկրետ պլան։ Մենք հասկանում ենք, որ Հայաստանի ժողովուրդը պահանջում է ոչ թե պարզապես խոսքեր, այլ գործողություններ՝ փոխելու համար երկրի իրավիճակը։ Ուստի մենք աշխատում ենք, որպեսզի ստեղծենք ընդդիմության միասնական ճակատ եւ միավորենք մեր էներգիան եւ ռեսուրսները, որպեսզի հասնենք այդ նպատակին։
Գործողությունների մեր պլանը ներառում է մի քանի փուլեր։ Նախ՝ մենք պետք է համոզենք մեր հայրենակիցներին, որ մենք կարող ենք փոխել իրավիճակը երկրում միայն միասին։ Մենք պետք է միավորվենք եւ աշխատենք միասին՝ փոփոխությունների հասնելու համար։
Երկրորդ՝ մենք պետք է օգտագործենք մեզ հասանելի բոլոր միջոցները, որպեսզի հասնենք փոփոխությունների։ Հենց որ մեզ հաջողվի իրականացնել առաջին կետը, մյուս մասն իրականացնելն ավելի հեշտ կլինի։
Մենք կօգտագործենք մեզ հասանելի բոլոր միջոցները՝ փոփոխությունների հասնելու եւ մեր ժողովրդի շահերը պաշտպանելու համար։ Մենք կանգ չենք առնի, մինչեւ որ Հայաստանում նոր ղեկավարություն չլինի, որն իսկապես կներկայացնի Հայաստանի շահերը։
Իշխանափոխությունը երկրում գործընթաց է, որը պետք է հասկանալի լինի հասարակ մարդկանց, ով եւ ինչ գաղափարով է գալու իշխանության ներկա դավաճանների փոխարեն։ Ի՞նչ կոնկրետ առաջնահերթ քայլեր, ըստ ձեզ, պետք է ձեռնարկվեն իշխանափոխությունից հետո։ Կարո՞ղ եք արդյոք թեզիսներով ներկայացնել հայկական պետականության վերականգնման եւ Արցախի հարցի լուծման հիմնական փուլերը։
Իշխանափոխությունից հետո առաջնահերթ քայլը պետք է լինի պետության հանդեպ ժողովրդի վստահության վերականգնումը։ Մենք պետք է բարեփոխումներ իրականացնենք՝ ուղղված օրինականության վերականգնմանը։ Դա անհրաժեշտ է, որպեսզի պայմաններ ստեղծվեն երկրի հետագա տնտեսական եւ սոցիալական զարգացման համար։
Հայկական պետականության վերականգնման կարեւոր փուլ է Արցախի հարցի լուծումը։ Մեր նպատակը հակամարտության խաղաղ կարգավորման հասնելն է, որը հաշվի կառնի հայկական եւ հատկապես արցախյան կողմի շահերը։ Մենք պատրաստ ենք երկխոսության եւ փոխզիջում գտնելուն, բայց մեր դիրքորոշումը պետք է լինի հստակ՝ Արցախի ժողովրդի ինքնորոշման իրավունքն այլընտրանք չունի, եւ նրա ապագան պետք է լուծվի միայն հայ ժողովրդի մասնակցությամբ։
Եվս մեկ կարեւոր քայլ կդառնա տարածաշրջանում անվտանգության եւ կայունության ապահովումը հայկական բանակի ամրապնդման եւ միջազգային գործընկերների հետ համագործակցության միջոցով։
Ընդհանուր առմամբ, մեր նպատակը Հայաստանի պետականության եւ ազգային արժանապատվության վերականգնումն է, ինչը հնարավոր է միայն կյանքի բոլոր ոլորտներում մեր ժողովրդի շահերն իսկապես ներկայացնելու միջոցով։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը