Շաբաթվա ամփոփում. ՀՅԴ Հայաստանի ԳՄ֊ի և «Հայաստան» խմբակցության պատգամավորների մարզային հանդիպումները

Անցնող շաբաթվա ընթացքում շարունակվել են ՀՅԴ Հայաստանի Գերագույն մարմնի և «Հայաստան» խմբակցության պատգամավորների մարզային հանդիպումները։

Ապրիլի 26-ին Իշխան Սաղաթելյանը, Թադևոս Ավետիսյանը, Գառնիկ Դանիելյաննը և Քրիստինե Վարդանյանն այցելել են Տավուշի մարզ և Իջևան քաղաքում բազմամարդ հանդիպում ունեցել քաղաքացիների հետ։

Ավելի վաղ՝ ապրիլի 22-ին, Իշխան Սաղաթելյանը՝ Աշոտ Սիմոնյանի և Էլինար Վարդանյանի հետ նույնանման հանդիպում էր ունեցել նաև Չարենցավան քաղաքում։

Ապրիլի 29-ին Գյումրիում քաղաքացիների հետ հանդիպում են ունեցել Սեյրան Օհանյանը, Արթուր Խաչատրյանը, ՀՅԴ Հայաստանի ԳՄ անդամ Հակոբ Մաթիլյանը և ՀՅԴ Շիրակի Մարզային կոմիտեի ներկայացուցիչ Մհեր Մելքոնյանը։

Ապրիլի 30-ին Իշխան Սաղաթելյանի, Թադևոս Ավետիսյանի, Աղվան Վարդանյանի և Արման Ղազարյանի մասնակցությամբ հանդիպումներ են տեղի ունեցել Գավառ և Մարտունի քաղաքներում։

Նույն օրը Գեղամ Մանուկյանը, Մհեր Սահակյանը, Արմենուհի Կյուրեղյանը և Արգիշտի Գևորգյանը այցելել են Լոռու մարզի Կուրթան համայնք, այնուհետև քաղաքացիների հետ դահլիճային հանդիպում անցկացրել Ստեփանավանում քաղաքում։

Ապրիլի 30-ին Արագածոտնի մարզի գյուղեր այցելել և բնակչության հետ հանդիպումներ են ունեցել Սեյրան Օհանյանը, Աշոտ Սիմոնյանը և Արթուր Խաչատրյանը։

Ըստ ՀՅԴ ներկայացուցիչների՝ նման հանդիպումները կրելու են շարունակական բնույթ։