Ադրբեջանն անամոթաբար խախտել է ՌԽԿ-ի հետ պայմանավորվածությունը․ Բաբայան
Ադրբեջանն անամոթաբար խախտել է Գորիսից Ստեփանակերտ կանանց եւ երեխաների տեղափոխման մասին ՌԽԿ-ի հետ պայմանավորվածությունը։ Այս մասին հայտնել է ԼՂՀ նախագահի խորհրդական Դավիթ Բաբայանը՝ NEWS.am -ի թղթակցի խնդրանքով մեկնաբանելով նախորդ օրը տեղի ունեցած միջադեպը, երբ ադրբեջանցի զինվորականները թույլ չեն տվել Լաչինի միջանցքով անցնել Արցախ մեկնող երեխաներին ու կանանց։
«Տեղափոխման մասին պայմանավորվածություն էր եղել ՌԽԿ-ի եւ Ադրբեջանի միջեւ։ Բայց, ըստ էության, Ադրբեջանի հետ ինչ պայմանավորվածության մասին կարող է խոսք լինել։ Ադրբեջանը ցանկացած հարմար պահի «մոռանում» է տրված խոստումի մասին»,- հայտարարել է Բաբայանը։ Նա հաստատել է, որ տեղափոխումը թույլ չեն տվել ադրբեջանցի զինվորականները, այլ ոչ թե իրենց բնապահպան անվանող անձինք։
«Այսինքն՝ խոսքն արդեն ընդհանրապես բնապահպանների մասին չէ։ Թեեւ բնապահպաններ էլ նրանց չես անվանի։ Այդ մասին շատ է խոսվել եւ գրվել, նրանք կապ չունեն բնապահպանության հետ․ դրանք զինվորականներ են, հատուկ ծառայությունների աշխատակիցներ, եւ պարզապես հանցագործներ, որոնց վարձել են շրջափակմանը մասնակցելու համար։ Անամոթաբար, շրջանցելով միջազգային իրավունքի բոլոր պայմանագրերը, նորմերն ու սկզբունքները, նրանք արեցին այն, ինչ արեցին»,- շարունակել է Բաբայանը։ Ադրբեջանցի զինվորականները ոչ մի կերպ չեն բացատրել իրենց գործողությունները։
«Ինչ ուզում ենք, անում ենք. Առավել եւս, որ նրանք գործում են բացարձակ անպատժելիության մթնոլորտում, այդ թվում՝ միջազգային հանրության կողմից»,- եզրափակել է Արցախի նախագահի խորհրդականը։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում