ՆԱՏՕ-ի գլխավոր քարտուղարը վստահ է, որ շուտով Շվեդիան կդառնա ՆԱՏՕ-ի լիիրավ անդամ
Հյուսիսատլանտյան դաշինքը կանի հնարավոր ամեն ինչ, որպեսզի Շվեդիան Ֆինլանդիայից հետո դառնա ՆԱՏՕ-ի լիիրավ անդամ։ Այս մասին ապրիլի 4-ին հայտարարել է կազմակերպության գլխավոր քարտուղար Յենս Սթոլթենբերգը։
«Ես վստահ եմ, որ դա տեղի կունենա»,-ասել է նա Բրյուսելում ՆԱՏՕ-ի արտգործնախարարների հանդիպումից առաջ, որի ժամանակ տեղի կունենա դաշինքին Ֆինլանդիայի անդամակցության հանդիսավոր արարողությունը: Երկիրը կդառնա կազմակերպության 31-րդ անդամը։
Ավելի վաղ Սթոլթենբերգը հայտարարել է, որ ՆԱՏՕ-ին Շվեդիայի անդամակցությունը կարող է շաբաթներ կամ ամիսներ պահանջել: Առայժմ Շվեդիայի ընդունումը չեն վավերացրել դաշինքի երկու անդամներ՝ Հունգարիան եւ Թուրքիան։ Անկարան, մասնավորապես, մեղադրում է Շվեդիայի կառավարությանը քուրդ ծայրահեղականների դեմ ոչ բավարար ակտիվ պայքարի մեջ, ինչը վավերացման պայմաններից մեկն է: Սթոլթենբերգը նշել է, որ այդ թեմայով զրուցել է Թուրքիայի նախագահ Ռեջեփ Էրդողանի հետ, եւ նա վստահեցրել է, որ առաջիկայում առաջընթաց կլինի։
Անդրադառնալով ՆԱՏՕ-ին Ֆինլանդիայի անդամակցությանը՝ Սթոլթենբերգը հայտարարել է, որ դաշինքն իր տարածքում այլ անդամ երկրների զինվորականներ չի տեղավորի առանց Հելսինկիի համաձայնության: Նա նաեւ նշել է, որ Ֆինլանդիայի հետ բանակցություններում դեռեւս չի քննարկվում երկրի տարածքում ՆԱՏՕ-ի մշտական բազաներ հիմնելու հարցը:
Հենրիխ Մխիթարյան. Երևանի փողոցներից մինչև Չեմպիոնների լիգայի եզրափակիչ. Անկեղծ հարցազրույց (տեսանյու...
Բալիում սկանդալային պոռնոաստղին սպառնում է մինչև 15 տարվա ազատազրկում
Ինչ են զրուցել ԱԱԾ մեկուսարանում Աղազարյանն ու Սրբազանները. «Իրավունք»
Ռուսաստանում կործանվել է աշխարհի ամենամեծ տուրբապտուտակավոր օդանավը
Հայտնաբերվել է 1-ին տիպի շաքարախտի ամենավաղ ախտանիշը
Ովքեր են «դուրս մնալու» ՔՊ ցուցակից
Գալյանը դեմ չէ, որ կառավարության նիստը սկսվի աղոթքով
Երևանի Ռուբինյանց փողոցում բախվել են «Tesla»-ն ու «Dodge»-ը
Ո՞րն է Երկրի վրա գրանցված պատմության մեջ ամենաբարձր ձայնը
Ռուս փորձագետը Հայաստանին կոչ է արել Ադրբեջանից նավթամթերք ներկրելիս ամեն ինչ ուշադիր ուսումնասիրել