Մի շարք ՔՊ-ականներ, Վարդանյանը, օգնականները գոռգռալով վազում էին դեպի մեր խմբակցություն․ Մինասյան (տեսանյութ)
Այսօր փակ քննարկման ռեժիմով Եղիշե Կիրակոսյանն էր հրավիրվել, որպեսզի ներկայացներ միջազգային դատական ատյաններում Հայաստանի կողմից և Հայաստանի դեմ ներկայացվող հայցերի մանրամասները, քննարկման ավարտին Վլադիմիր Վարդանյանը՝ ձայնը բարձրացնելով սկսեց գոռգռալ, որին արձագանքելով Մհեր Սահակյանը պահանջեց, որ չգոռգռա:
Ի պատասխան դրա Վլադիմիր Վարդանյանը մի պահ լռեց, հետո նորից բարձր տոնով, գոռգռալով ասաց՝ լավ եմ անում, ում վրա ասես կգոռամ, երբ ասես կգոռամ, Մհերն ասաց՝ չես կարող, Վլադիմիր Վարդանյանը վեր կացավ նստած տեղից, քայլեց դեպի Մհերը և տեղի ունեցավ այդ հարվածը։
Այս մասին այսօր Ոստիկանության Արաբկիր բաժնի դիմաց լրագրողների հետ զրույցում ասաց «Հայաստան» խմբակցության քարտուղար Արծվիկ Մինասյանը՝ խոսելով Պետա-իրավական հանձնաժողովի ընթացքում տեղի ունեցած միջադեպի մասին։
«Մեկ հարված է եղել, ոչ մի ծեծկռտուք չի եղել, որից հետո Մհեր Սահակյանը հեռացավ դահլիճից, իմ կարծիքով՝ շատ ճիշտ արեց, որովհետև այլ հետևանքներ կարող էին լինել: Դրանից հետո Վլադիմիր Վարդանայանին ես փորձեցի հանգստացնել, չէր հանգստանում, ինքը, մի շարք ՔՊ-ականներ, օգնականներ վազում էին դեպի մեր խմբակցություն՝ գոռգռալով, այդ ընթացքում փորձում էի կանգնեցնել։ ՔՊ-ականները, կարծում եմ, գնում էին հաշվեհարդար տեսնելու, որովհետև մի շարք ՔՊ-ականների պահվածքը դրան էր տանում, իրենք նոր, ավելի մեծ կոնֆլիկտ էին ուզում»,-ասաց նա։
Մինասյանի խոսքով՝ Մհեր Սահակյանը հանգիստ է արձագանքել ոստիկանների հետ բաժին գնալուն, սակայն ԱԺ նախագահ Ալեն Սիմոնյանն է եկել՝ ավելի անհավասարակշիռ պահվածքով, կոնֆլիկտ հրահրել։
«Սրան հաջորդում է Մհեր Սահակյանի նկատմամբ Ոստիկանության բիրտ գործողությունները, որից հետո էլ ֆրակցիայից բռնի ուժով դուրս են հանել։ Մհեր Սահակյանը փորձեց Ալեն Սիմոնյանին իրավիճակը ներկայացնել, սակայն Սիմոնյանը սկսեց նորից գոռգռալ, հայտարարել՝ պատժվելու եք, ամեն ինչ անելու եմ, որ պատժվեք և այլն»,- պատմեց Մինասյանը։
Արծվիկ Մինասյանը նաև պատմեց, որ երբ քննարկման վերջում խոսել են Հռոմի ստատուտի մասին, լուծումները քննարկել, այդ ժամանակ է Վարդանյանը սկսել ձայնը բարձրացնել, ասել՝ դուք եք Մասիս սարը թողել այն կողմ.
«Անհասկանալի բաներ էր ասում, մի պահ վեր կացավ, էլի նստեց»։
Մինասյանը նկատեց, որ քննարկումների ժամանակ ՔՊ-ական պատգամավորները միշտ հեռախոսներով են զբաղվում, հաղորդագրություններ ստանում, փոխանցում։
«Ընթացքում տպավորություն է, որ հրահանգներ են ստանում»։
Մանրամասները՝ տեսանյութում:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը