Ադրբեջանական գազն արդյոք ավելի ընդունելի՞ է. Լորան Վոքիե

Ֆրանսիայի Օվերնյ-Ռոն-Ալպ շրջանի շրջանային խորհրդի նախագահ Լորան Վոքիեն Երևանում Արցախի ԱԳ նախարար Սերգեյ Ղազարյանի հետ ասուլիսում, միջազգային հանրության կողմից հնարավոր պատժամիջոցների վերաբերյալ հարցին ի պատասխան, նշեց, որ այն, ինչ տեղի է ունենում, նորմալ չէ և միջազգային հանրության արձագանքը համապատասխան չի համարում ադրբեջանական վայրագություններին:

«Մի հասարակ հարց տամ. որոշվեց, որ ռուսական գազ այլևս չի գնվի՝ Ուկրաինայի որոշ տարածքների օկուպացիայից հետո, արդյոք ադրբեջանական գազն ավելի ընդունելի՞ է, ինչո՞ւ հետևանք չեղավ տեղի ունեցածին, ինչո՞ւ չկան պատժամիջոցներ Ալիևի ռեժիմի դեմ: Այդ հարցերը ես ձեզ հետ միասին կիսում եմ, և դրանք ինձ վրդովվեցնում են նույն չափ»,-ասաց Օվերնյ-Ռոն-Ալպ շրջանի շրջանային խորհրդի նախագահը։

Ըստ նրա՝ Ադրբեջանը լուրջ պրոպագանդիստական աշխատանք է կատարում: