Մոլագարը սպանել է մի կնոջ, այնուհետեւ բենզասղոցով 231 մասի բաժանել

2022 թվականի փետրվարի 5-ին Դանիայի Օլբորգ քաղաքից 22-ամյա բուժքույր Միա Սթեւնը որոշել է շրջել տեղական ակումբներով։ Ըստ երեւույթին, նա շատ է խմել եւ վաղ առավոտյան նստել է տեղի 37-ամյա բնակչի մեքենան. նա առաջարկել է կնոջն իր ֆուրգոնով տուն տանել։

Հաջորդ օրը Միայի հարազատները դիմել են ոստիկանություն՝ աղջիկն այդպես էլ տուն չի վերադարձել։ Այս մասին հայտնում է BILD-ը։ Հետաքննության վարկածով՝ մեքենայի վարորդը բռնաբարել է նրան, այնուհետեւ 231 կտորների բաժանել։ Ոստիկաններն արագորեն հայտնաբերել են կասկածյալին տեսախցիկների միջոցով. պարզվել է, որ նա նույն մեքենայի վարորդն է, որը վերցրել է Միային։

Նա 37 տարեկան է, Օլբորգում լավ արհեստավորի համբավ ունի՝ երկու անգամ մրցանակներ է ստացել Դանիայի արհեստագործական պալատից։ Հետաքննությունը կարծում է, որ տղամարդը բռնաբարել է Սթեւնին, խեղդամահ արել նրան, իսկ հետո բենզասղոցով կտրատել մարմինը։ Նա ցանկացել է բազմաթիվ կտորները լուծել խողովակներ մաքրող նյութի մեջ, բայց չի հաջողվել, որից հետո դրանք թաղել է անտառային տարածքում։

Դատապարտյալի աթոռին հայտնված 37-ամյա տղամարդը խոստովանել է, որ մասնատել է մարմինը, մինչդեռ պնդել է, որ ինքը անմիջական առնչություն չի ունեցել Սթեւնի սպանությանը։ Դատարանում պարզվել է, որ կասկածյալն արդեն ունեցել է օրենքի հետ կապված խնդիրներ՝ այսպես՝ 2005-ին նա պատուհանից հետեւել է 16-ամյա մի աղջկա, իսկ 2009-ին կտրել է նախկին ընկերուհու մեքենայի արգելակման գծերը։