Ղազախստանի կառավարությունը վայր է դրել լիազորությունները
Ղազախստանի կառավարությունը՝ Ալիխան Սմայլովի գլխավորությամբ, հրաժարական է տվել խորհրդարանի ստորին պալատի՝ Մաժիլիսի նոր կազմի ընտրությունից հետո, հայտնել է երկրի նախագահ Կասիմ Ժոմարտ Տոկաեւի մամուլի ծառայությունը:
Սահմանադրության համաձայն՝ կառավարությունն իր լիազորությունները վայր է դնում նորընտիր Մաժիլիսի առաջ։ Նախարարները կկատարեն իրենց պարտականությունները մինչեւ նոր կառավարության ձեւավորումը։
Վարչապետի թեկնածությունն առաջարկել է «Ամանաթ» կուսակցությունը, որը հաղթել է վերջին ընտրություններում։
Մաժիլիսի պատգամավորների ընտրությունները տեղի են ունեցել մարտի 19-ին։ Պալատում տեղերի մեծ մասը՝ 98-ից 62-ը, զբաղեցրել է «Ամանաթ» կուսակցությունը։ Խորհրդարան են անցել նաեւ «Աուիլ» կուսակցությունը (ութ տեղ), Respublica եւ «Ակ Ժոլ» կուսակցությունը (վեցական տեղ), Ղազախստանի ժողովրդական կուսակցությունը (հինգ տեղ) եւ Համազգային Սոցիալ-դեմոկրատական կուսակցությունը (չորս տեղ): Եվս յոթ պատգամավորական տեղ զբաղեցրել են ինքնաառաջադրված թեկնածուները:
Ղազախստանի նախագահը խմբակցությունների հետ խորհրդակցելուց հետո Մաժիլիսի քննարկմանը կներկայացնի վարչապետի թեկնածությունը եւ կշանակի նրան պատգամավորների համաձայնությունը ստանալուց հետո:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ցեմենտի ներմուծումը 6 ամսով կսահմանափակվի
Ինչպիսի եղանակ է սպասվում այսօր
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին