«Նավոդկաներով» աշխատում եք, ««Ձեզնից լավ «նավոդկա տվող չկա». ԱԺ–ում իրավիճակը լարվեց
Բանակցություններից տպավորություն է ստեղծվում, որ Հայաստան-Ադրբեջան բանակցությունների ամենակարեւոր կետը, որտեղ չկա ըմբռնում, Արցախի կարգավիճակի հարցն է: Այս մասին այսօր՝ մարտի 24-ին, ԱԺ արտաքին հարաբերությունների հանձնաժողովի նիստում հայտարարեց «Հայաստան» խմբակցության պատգամավոր Քրիստինե Վարդանյանը:
«Բայց հարցն էսպիսին է՝ կա՞ն արդյոք Ադրբեջանի կողմից պահանջներ Հայաստանին վերաբերող, որոնք ձեզ համար ընդունելի են կամ ընդունելի չեն: Արդյոք ադրբեջանական պահանջների մեջ կա ռեպարացիաների հարց, արդյոք այդ պահանջների մեջ կա այսպես կոչված, անկլավների վերադարձի հարց, արդյոք այնտեղ կա ադրբեջանցիների՝ ՀՀ-ում բնակվելու պահանջ: Ասում եք բանակցությունների հիմքը Ալմա Աթայի հռչակագիրն է, արդյոք դուք այդ հիմքը վերցրել եք նաեւ Հայաստանի Գերագույն խորհրդի վերապահումով, թե ոչ»,-ասաց նա՝ իր հարցերն ուղղելով ԱԳ նախարար Արարատ Միրզոյանին:
Նախարարն ի պատասխան ասաց. «Ես հույս ունեմ, տիկին պատգամաբվոր, որ դուք շատ լավ հասկանում եք բանակցային գործընթացը որքանով կարող է լինել հրապարակային, որքանով՝ ոչ, երբ խոսում եք հայ ժողովրդի՝ բոլոր դետալներին տեղյակ լինելու մասին: Ես հույս ունեմ, որ եթե դուք այս տարիքում լինեիք մի քանի տարի առաջ, նույն պահանջը կներկայացնեիք նաեւ այն ժամանակվա իշխանություններին: Բայց արդեն շատ բան հրապարակային է, կարող եք հիմա տեղեկանալ՝ երբ ինչ են բանակցել: Մենք էլ բանակցում ենք մեր պատկերացումների, ստանձնած պարտավորությունների շրջանակներում: Բնականաբար, չի կարող ամեն տառը հրապարակային դարձնել:
Ինչ վերաբերում է ձեր տված հարցերին, ուրի ի՞նչ կարող եք հուշել, բազմաթիվ են դեպքերը, որ «նավոդկաներով» համագործակցաբար աշխատում եք»:
Քրիստինե Վարդանյանը տեղից ասաց. «Ձեզնից լավ «նավոդկա տվող չկա, ի՞նչ եք ձեզ թույլ տալիս», ինչին ԱԳ նախարարն արձագանքեց. «Չեք ամաչո՞ւմ»:
Իրավիճակը լարվեց, նիստը վարող Սարգիս Խանդանյանն էլ նկատեց. «Էս ա մեր ընդդիմության որակը»:
Քրիստինե Վարդանյանը նկատեց. «Դուք, ըստ էության, չհերքեցիք որ նման պահանջներ կան: Դուք դրա հնարավորությունն ունեիք»:
«Դուք գոնե գիտակցո՞ւմ եք, որ դուք հիմա շարունակում եք այլ ջրաղացների ջուր լցնել»,-ընդգծեց Արարատ Միրզոյանը, ինչին ընդդիմադիր պտգամավորն արձագանքեց. «Էդ մանր շուստրիությունները, որ Թուրքիայի, Ադրբեջանի հատուկ ծառայությունները ԱԳՆ-ն, մյուս նախարարությունները չգիտեն՝ ինչ է կատարվում, չեն կարողանում նստել ու պահանջներ ներկայացնել, ու պիտի ԱԺ արտաքին հարաբերական հրաբերությունների հանձնաժողովի նիստին հետեւեն ու էստեղից ֆայմեն ու ինչ-որ բաներ վերցնեն… նման մանր շուստրիությամբ եք երեւի բանակցությունները վարում, որ էս կետում ենք: Ինչ ես հարցրել եմ, բաց, հրապարակային ելույթներում եւ ուղերձներում անդրադարձ կա»:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Բագրատ Սրբազանի խափանման միջոցը փոխելու միջնորդություն է ներկայացվել
Փաշիկ Ալավերդյան․ Սա ամենամեծ հարվածն է մեր պետությանը, հայկական ծանրամարտին
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Միհրան Պողոսյանի գործով մեղադրյալների մեջ է նաև նրա ազգականը՝ «Միկշինի» սեփականատեր Տիգրան Հարությու...