Փետրվարին Միացյալ Թագավորությունում տարեկան ինֆլյացիան արագացել է՝ հասնելով մինչեւ 10,4 տոկոս

Մեծ Բրիտանիայում փետրվարին տարեկան ինֆլյացիան արագացել է՝ հասնելով մինչեւ 10,4 տոկոս, հունվարի 10,1 տոկոսից, հայտնում է Ազգային վիճակագրական վարչության (ONS) մամուլի ծառայությունը։

Այսինքն՝ փետրվարին Բրիտանիայում սպառողական գները ավելացել են 1,1 տոկոսով։ Վերլուծաբանները, որոնց շրջանում հարցում է անցկացրել DailyFХ-ը, ցուցանիշն ակնկալում էին 9,9 տոկոսի սահմանում։

Հունվարի երկրորդ կեսին ONS-ի մամուլի ծառայությունը հրապարակել էր տվյալներ, որոնց համաձայն՝ սպառողական գնաճը Մեծ Բրիտանիայում 2022 թվականի դեկտեմբերին կազմել է 10,5 տոկոս։

Անցյալ շաբաթ Միացյալ Թագավորության ֆինանսների նախարար Ջերեմի Հանթը, խորհրդարանում ելույթ ունենալով բյուջետային ուղերձով, վստահեցրել էր, որ երկրի տնտեսությունը, ամենայն հավանականությամբ, 2023 թվականին չի հայտնվի տեխնիկական ռեցեսիայում ՝ արտաքին գործոնների փոփոխության եւ կառավարության ձեռնարկած միջոցառումների շնորհիվ: