ՌԴ նախագահի աշխատակազմի աշխատակիցներին խնդրել են մինչեւ ապրիլի 1-ն ազատվել iPhone-ներից. «Коммерсантъ»
Ռուսաստանի նախագահի աշխատակազմի աշխատակիցներին խնդրել են ազատվել ամերիկյան Apple ընկերության սմարթֆոններից, գրում է «Коммерсантъ»-ը։
Հոդվածում նշվում է, որ նախագահի աշխատակազմն արդեն ստացել է, իսկ տարածաշրջանի պաշտոնյաները շուտով կստանան առաջարկություններ՝ կապված ամերիկյան սմարթֆոններն այլ օպերացիոն համակարգով հեռախոսներով փոխարինելու հետ։
Մարտին Մերձմոսկովյան մարզում տեղի ունեցած սեմինարի ժամանակ պաշտոնյաներին ասել են, որ ապրիլի սկզբին պետք է ազատվել iPhone-ներից։
«iPhone-ին վերջ: Կամ դեն նետեք, կամ տվեք երեխաներին: Բոլորը պետք է դա անեն մարտին»,- թերթին ասել է սեմինարի մասնակիցներից մեկը:
«Коммерсантъ»-ի մեկ այլ զրուցակից հայտնել է, որ կառույցի աշխատակիցները քննարկել են արգելքի անհրաժեշտությունը, սակայն վերջնական որոշումը կայացրել է վարչակազմի ղեկավարի առաջին տեղակալ Սերգեյ Կիրիենկոն, որը որոշել է մինչեւ ապրիլի 1-ն ազատվել ամերիկյան սմարթֆոններից։
Թերթի զրուցակիցները նշել են, որ այդ միջոցները ձեռնարկվում են անվտանգության նկատառումներից ելնելով, քանի որ Apple-ի արտադրանքն «այլ սմարթֆոնների համեմատ ավելի է ենթակա կոտրման եւ լրտեսության՝ արեւմտյան մասնագետների կողմից»։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին