Ալիեւը Հայաստանին մեղադրում է «նոյեմբերի 9-ի հայտարարությունը չկատարելու մեջ՝ «Զանգեզուրի միջանցքը» չբացելու պատճառով

Ադրբեջանի նախագահ Իլհամ Ալիեւը մեղադրում է Հայաստանին «նոյեմբերի 9-ի հայտարարությունը չկատարելու մեջ»՝ «Զանգեզուրի միջանցքը» չբացելու պատճառով։ Ալիեւը միջազգային փաստաթուղթն այս աստիճանի խեղաթյուրել է Անկարայում, որտեղ մասնակցում է Թյուրքական պետությունների կազմակերպության գագաթաժողովին։

«Չնայած Հայաստանը ճանաչել է Ադրբեջանի տարածքային ամբողջականությունը եւ ինքնիշխանությունը Պրահայում եւ Սոչիում 2022թ., նա դեռ լիովին իր զորքերը դուրս չի բերել Ադրբեջանի տարածքներից։ Ղարաբաղում մնում են հայկական անօրինական կազմավորումներ եւ քրեական տարրեր։ Այսպիսով, Հայաստանը կոպտորեն խախտում է 2020թ. նոյեմբերի 10-ին ստորագրված հայտարարությունը, եւ պետք է դրա համար պատասխանատվություն կրի»,- ասել է Ալիեւը։

Իրավիճակի անհեթեությունն անգամ այն չէ, որ Ալիեւի նշած հայտարարությունը որեւէ կերպ չի ենթադրում այսպես կոչված «Զանգեզուրի միջանցքի» գոյություն, այլ այն, որ Ալիեւն անկեղծության նոպայի մեջ ինքն է դա խոստովանել հեռուստահարցազրույցում։