Պերուում հեղեղումների պատճառով զոհվել է 18 մարդ

Յակու ցիկլոնի առաջացրած տեղատարափ անձրեւները եւ հեղեղումները Պերուում հանգեցրել են 18 զոհի։ Այս մասին երկուշաբթի տեղեկացրել է Agence France-Presse գործակալությունը՝ հղում կատարելով Քաղաքացիական պաշտպանության ազգային ինստիտուտին։

Գործակալության տեղեկացմամբ՝ «աղետի զոհերի թիվն անցած շաբաթ հասել է 18 մարդու»։ Իշխանությունների ներկայացրած վիճակագրությամբ՝ անձրեւների այս սեզոնին, որն սկսվել է մի քանի ամիս առաջ, արդեն զոհվել է 59 մարդ, ավերվել են ավելի քան 1 300 բնակելի շենքեր։

Հեղեղումները եւ սողանքները Պերուում մշտապես հանգեցնում են մարդկային զոհերի։ Օրինակ, այս տարվա փետրվարին 40 մարդ դարձել է սողանքների զոհ Արեկիպա նահանգում (Պերուի հարավ), իսկ 2017-2018թթ. անձրեւների սեզոնին աղետը խլել է ավելի քան 10 մարդու կյանք եւ ավերել ավելի քան 16 հազար բնակելի տուն։