Միշել Օբաման կարող է դառնալ ԱՄՆ նախագահի թեկնածու. Fox News

Դեմոկրատները կարող են համոզել ԱՄՆ նախկին առաջին տիկին Միշել Օբամային մասնակցել երկրի նախագահի ընտրություններին։ Այս մասին հայտարարել է Սպիտակ տան եւ Պենտագոնի նախկին ներկայացուցիչ Դուգլաս Մակքինոնը, որի խոսքերը մեջբերել է Fox News-ը։

Ալիքը նշել է, որ Միշել Օբամայի անունը հիշատակվել է Դեմոկրատական կուսակցության՝ վերջին նախագահական փրայմերիզների նախօրեին, չնայած Միշել Օբաման բազմիցս հերքել է առաջադրվելու ցանկությունը։ Մակքինոնի կարծիքով՝ նախկին առաջին տիկինը կարող էր դառնալ գլխավոր թեկնածուն, եւ դեմոկրատները կարող էին փորձել համոզել նրան, որ մասնակցի ընտրություններին։