Արցախում մարդիկ պահանջում են ինքնապաշտպանության համար իրենց զենք տրամադրել
MediaHub.am-ի տեղեկություններով՝ Արցախում նոր ալիք է բարձրացել․ մարդիկ պահանջում են զենք տրամադրել, որպեսզի իրենք կարողանան պաշտպանել իրենց ու իրենց ընտանիքներին։
Մեզ հետ զրույցում արցախցիներից մեկն ասաց, որ հույսներն իրենց վրա են դրել, քանի որ թշնամին անընդհատ սադրում է, թիրախավորում խաղաղ բնակչությանը։
«Ամենքս մեր գլխին տեր պիտի լինենք, ո՞ւմ վրա հույս դնենք»,- նշեց նա։
Արցախի ԱԺ «Արդարություն» խմբակցության ղեկավար Դավիթ Գալստյանը MediaHub.am-ի հետ զրույցում ասաց, որ 44-օրյա պատերազմից հետո ամեն օր էլ կա այդ ինքնապաշտպանության խնդիրը, և Արցախի խորհրդարանն ընդունել է «Զենքի մասին» օրենքում փոփոխությունների նախագիծ, որով դյուրացվում էր զենքի ձեռքբերման կարգը։
«Բացի այդ, կառավարությունն իր վրա պարտավորություն էր վերցրել սուբսիդավորել սահմանամերձ համայնքների այն բնակիչներին, որոնք հնարավորություն չունեն զենք ձեռք բերելու։ Բայց կառավարությունն իր այդ պարտականությունը չի կատարել, օրենքը մնացել է թղթին գրված»,- ասաց Գալստյանը։
Նրա խոսքով՝ արցախցին հիմա խնդիր ունի իրեն պաշտպանելու, ինքն իր հողի վրա ամուր կանգնելու, և այդ հարցում, գոնե օրենքի պահանջը կատարելով, պետք է քաղաքացու կողքին կանգնի կառավարությունը։
Մենք միանգամայն արժանիորեն դուրս եկանք հաջորդ փուլ
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Աբու Դաբին կունենա համաշխարհային արվեստի նոր կենտրոն
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Ուրումչիի մշակութային ուղին. Գրանդ բազար
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
ՏԿԵ և պաշտպանության նախարարները Լոռի բերդ համայնքում ծանոթացել են պետություն-մասնավոր համաֆինանսավոր...