Գերմանիայի կառավարության կայքում Արցախի ժողովրդի ինքնորոշման իրավունքի մասին Շոլցի հայտարարությունը չի եղել
Գերմանիայի կառավարության կայքում կանցլեր Օլաֆ Շոլցի հայտարարության մի մասն Արցախի ժողովրդի ինքնորոշման իրավունքի մասին չի եղել։
Մասնավորապես, Գերմանիայի կառավարության մամուլի ծառայության հրապարակած հաղորդագրությունում սկզբում խոսվում է Օլաֆ Շոլցի եւ Հայաստանի վարչապետ Նիկոլ Փաշինյանի միջեւ կարծիքների փոխանակման մասին երկու երկրների միջեւ երկկողմ հարաբերությունների խորացման հարցերի վերաբերյալ։
«Գրասենյակում համատեղ բանակցությունների ժամանակ քննարկվել են Հայաստանում բարեփոխումների գործընթացը, Ուկրաինայի դեմ Ռուսաստանի ագրեսիվ պատերազմը եւ Հայաստանի եւ Ադրբեջանի միջեւ վաղեմի հակամարտության կարգավորումը»,- նշվել է հաղորդագրությունում։
Այնուհետեւ խոսվում է այն բարձր գնահատականի մասին, որը տվել է Գերմանիայի կանցլերը «համապարփակ բարեփոխումների գործընթացին, որը Փաշինյանը նախաձեռնել է իր երկրում»։
Եվ միայն դրանից հետո հաջորդում է այն հատվածը, որը կապված է Արցախի վերաբերյալ Օլաֆ Շոլցի հայտարարության հետ։
«Քննարկման եւս մեկ առարկա է դարձել Ուկրաինայի դեմ Ռուսաստանի ագրեսիվ պատերազմը։ Շոլցը հիշեցրել է, որ դա զգալի ազդեցություն է թողել Հայաստանի եւ Հարավային Կովկասի ամբողջ տարածաշրջանի վրա։ Այս ֆոնին առավել եւս կարեւոր է, որպեսզի Հայաստանը եւ Ադբեջանը քայլ քայլի հետեւից լուծեն իրենց հակամարտությունը։ Ծայրահեղ հումանիտար վիճակը Լեռնային Ղարաբաղում, մասնավորապես, անընդունելի է եւ պետք է «արագ հանգեցվի կենսունակ լուծման՝ ի բարօրություն այնտեղ գտնվողների»,- ասել է Շոլցը։
Կանցլերը բացատրել է իր դիրքորոշումը, որի համաձայն՝ վեճի խաղաղ կարգավորումը կարելի է ձեռք բերել Հայաստանի եւ Ադրբեջանի տարածքային ամբողջականության սկզբունքի հիման վրա։ Ուստի, Գերմանիան մեծապես աջակցում է Եվրոպական խորհրդի նախագահՇառլ Միշելի ջանքերին ու գերմանացի ներկայացուցիչներ է ուղարկում Հայաստանում Եվրոպական միության առաքելություն»,- նշվել է Գերմանիայի կառավարության կայքում հրապարակված հաղորդագրությունում։
Հիշեցնենք, որ ավելի վաղ Օլաֆ Շոլցը հայտարարել էր, որ Գերմանիան մտահոգ է Հայաստանի եւ Ադրբեջանի սահմանին տիրող անկայուն հումանիտար վիճակի եւ Արցախում հումանիտար իրավիճակի վատթարացման առիթով։ Գերմանիան մեծ նշանակություն է տալիս խաղաղ լուծման ձեռքբերմանը Հայաստանի եւ Ադրբեջանի տարածքային ամբողջականության, ինչպես նաեւ Լեռնային Ղարաբաղի քաղաքացիների ինքնորոշման իրավունքի տեսակետից, նշել է նա։
«Ստատուս-քվոն չի կարող շարունակվել, եւ անհրաժեշտ է գտնել երկարաժամկետ լուծում՝ ի բարօրություն մարդկանց։ Այս տեսակետից անհրաժեշտ է հասնել խաղաղ լուծման՝ Հայաստանի եւ Ադրբեջանի տարածքային ամբողջականության, ինչպես նաեւ Լեռնային Ղարաբաղի քաղաքացիների ինքնորոշման իրավունքի տեսակետից։ Ընդ որում՝ այս բոլոր սկզբունքները հավասարազոր են։ Գերմանիան աջակցում է Եվրոպական խորհրդի ղեկավար Շառլ Միշելի միջնորդական ջանքերին»,- ընդգծել է Գերմանիայի կանցլերը։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ինչպիսի եղանակ է սպասվում այսօր
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
Քաղցրաշեն գյուղում մտել են բնակչի տուն և գողացել մեծ թվով ոսկյա զարդեր և գումար․ պատճառվել է մոտ 6 մ...