Ընկերությունը կանանց կփրկի տարիքային հիվանդություններից. հետազոտություն

Կանայք, ովքեր միջին տարիքում ամուր եւ ջերմ հարաբերություններ են ունեցել շրջապատի հետ, ծերության տարիներին ավելի հազվադեպ են տառապում տարիքային հիվանդություններից: Նման եզրակացության են եկել ավստրալացի եւ ամերիկացի գիտնականները 7,6 հազար կանանց մասնակցությամբ հետազոտության ընթացքում։ Նրանք 20 տարի հայտնել են իրենց առողջության եւ էմոցիոնալ բարեկեցության մասին, գրում է Naked Science-ը։

Դիտարկումների տարիների ընթացքում հետազոտության մասնակիցների 58 տոկոսի մոտ հայտնվել են բազմաթիվ քրոնիկ հիվանդություններ։ Դրանց զարգացման հավանականությունը կիսով չափ ցածր է եղել նրանց մոտ, ովքեր առավելագույնս գոհ էին այլ մարդկանց հետ հարաբերություններից։

Պարզվել է, որ շրջապատի հետ շփումն ազդել է հիվանդությունների զարգացման ռիսկի վրա այնպես, ինչպես ավելորդ քաշը։