«Վիլայաթ Խորասանի» քնած օղակները սպառնում են Թուրքիայի անվտանգությանը. ԱԴԾ-ի աշխատակից

«Վիլայաթ Խորասանի» («Իսլամական պետություն» ահաբեկչական կազմակերպության մասնաճյուղ) քնած օղակները սպառնում են թուրքական պետության անվտանգությանը, «ՌԻԱ Նովոստի»-ին ասել է Ռուսաստանի ԱԴԾ-ի իրավասու աշխատակիցը։

Սիրիա-իրաքյան գոտում կրած պարտության ֆոնին «Իսլամական պետությունն» իր ուժերը տեղափոխում է այլ շրջաններ, մասնավորապես՝ Աֆղանստան, ավելացրել է նա։ Հակամարտային գոտիներում, այդ թվում Կենտրոնական Ասիայում, լարվածություն հրահրելու մեջ շահագրգռված ամերիկացիներն ակտիվորեն օգտագործում են ահաբեկիչներին իրենց աշխարհաքաղաքական խնդիրներն իրականացնելու համար, նշել է նա։

«Վիլայաթի» հարձակումների իրականացման համար զանգվածաբար ներգրավվում են կենտրոնաասիական շրջանի երկրների քաղաքացիները։ Նրանք Աֆղանստան են ուղարկվում հիմնականում Թուրքիայով, որը կատարում է ոչ պաշտոնական տրանսպորտային փոխանցակետի դեր։ Ավելին, այդ երկրում ստեղծվում են ջիհադականների «քնած» օղակներ, դրա հետեւանքով սպառնալիքի տակ է հայտնվում հենց Թուրքիայի Հանրապետության անվտանգությունը»,- ավելացրել է գործակալության զրուցակիցը։

Նրա խոսքով՝ «Կենտրոնական Ասիայի երկրների օտարերկրյա գործընկերների հետ Ռուսաստանի ԱԴԾ-ի կառուցողական փոխգործակցությունը թույլ կտա ժամանակին բացահայտել ահաբեկիչների ծրագրերն ու մտադրությունները, կանխել նրանց հանցավոր գործունեությունը»։