«Պետք է ապահովել բանակի թիկունքը». Սեյրան Օհանյանը տիրապետում է լուծմանը

Այսօր՝ փետրվարի 13-ին, «Դաբլ Թրի բայ Հիլթոն» հյուրանոցի «Միլանո» սրահում ստորագրվեց «Օհանյան-Րաֆֆի-Օսկանյան» դաշինքի ստեղծման հուշագիրը:
«Օհանյան-Րաֆֆի-Օսկանյան» դաշինքի մաս կազմող ՀՀ Պաշտպանության նախկին նախարար Սեյրան Օհանյանը հուշագրի ստորագրման արարողության իր ելույթում կարևորեց քննարկումների այն ողջ ընթացքը, որը հանգեցրեց քաղաքական դաշինքի ստեղծմանը:

«Ապրիլյան խորհրդարանական ընտրությունները լինելու են շատ կարևոր ընտրություններ, որտեղ ձևավորվելու է ՀՀ ողջ իշխանությունը և մեզ համար կարևոր է, որ յուրաքանչյուր անձ իր ներդրումն ունենա Հայաստանի համար ազգային և նաև միջազգային երաշխիքների ձևավորման համար: Մեր բոլորիս ուշադրությունը լինելու է Հայաստանի ապագան, դրա զարգացումը և մեր հայրենակիցների անվտանգ գործունեության ապահովումը», - ասաց Սեյրան Օհանյանը:

Սեյրան Օհանյանն անդրադարձավ նաև Հայոց բանակին: Ռազմական գերատեսչության նախկին ղեկավարը նշեց բանակի թիկունքի ապահովման կարևորությունը. «Բանակի թիկունքը՝ դա մեր երկրի գործունեությունն է ամբողջությամբ, բոլոր ոլորտներում», - հավելեց նա:

Այս թեմայով Դուք ընդամենը «զապորոժեց» վարող եք. Սեյրան Օհանյանը՝ ՔՊ-ին Այդ քայքայված բանակով այսօրվա իշխանությունը ամեն օր էլ ավելի քայքայելով նոր խնդիրներ է կատարում (տեսանյութ) «Ինձ համար պաշտոնները կարևոր չեն. կարևոր է ծառայելը հայրենիքին» «Պատասխան» հաղորդաշարի հյուրը Սեյրան Օհանյանն է «EADaily»–ի հարցազրույցը Սեյրան Օհանյանի հետ