Լավ սեքսի հինգ գիտական ​​միջոց

Սեքսը կարող է հրաշալի լինել, բայց կարող է նաեւ բարդ լինել։ Ինչ վերաբերում է սեքսին, կարող եք դիմել գիտությանը:

Սեքսի մասին գիտությունը հետազոտության լայն ոլորտ է, որն ընդգրկում է մարդու սեքսուալության բազմաթիվ ասպեկտներ՝ ֆիզիոլոգիայից մինչեւ սեռական վարքի վրա ազդող հոգեբանական ու սոցիալական գործոնները: Տարիների ընթացքում հետազոտողները կարողացել են լույս սփռել ննջասենյակում (կամ դրանից դուրս) սեռական փորձառությունն ուժեղացնելու տարբեր ուղիների վրա: Դա նկատի ունենալով, ահա հինգ հիմնական խորհուրդ, որոնք կօգնեն ձեզ ավելի թեժ դարձնել ձեր գիշերները:

Գրգռվածության եւ ցանկության գիտակցում

Գրգռվածությունը եւ ցանկությունը վճռորոշ դեր են խաղում մարդու սեքսուալության մեջ: Համարվում են սեռական ակտիվության անհրաժեշտ բաղադրիչները եւ կարող են առաջանալ մի շարք գրգռիչներից՝ ներառյալ ֆիզիկական հպումը, տեսողական ազդանշանները եւ հոգեբանական գործոնները: Սեքսի համատեքստում ցանկությունը (կամ լիբիդոն) վերաբերում է սեռական ակտիվության մղմանը կամ դրդապատճառին։ Այս մասին գրում է Science Alert-ը։

Սեռական ռեակցիայի ցիկլը, որը մշակվել է Ուիլյամ Մասթերսի եւ Վիրջինիա Ջոնսոնի կողմից, ովքեր հայտնի էին 1960-ականներին մարդկային սեքսուալության ֆիզիոլոգիայի իրենց հակասական հետազոտություններով, վերաբերում է հուզական ու ֆիզիկական փոփոխության փուլերին, երբ մարդը գրգռվում է սեռական խթանիչ գործողությունների ժամանակ: Որպես կանոն, այս փուլերը ներառում են ցանկություն, գրգռում, օրգազմ եւ վերադարձ նորմալ վիճակին:

Տղամարդիկ եւ կանայք տարբեր կերպ են ապրում այս փուլերը: Դրա պատճառներից մեկն այն է, որ կանայք ավելի դժվար են արձագանքում սեռական գրգռիչներին, քանի որ ավելի հավանական է, որ նրանք ենթարկվեն հոգեբանական ու էմոցիոնալ նշանների ազդեցությանը, ինչպիսիք են հաղորդակցությունը եւ հարաբերությունների դինամիկան: Չնայած գրգռվածությունն ու ցանկությունը կապված են, դրանք տարբեր կերպ են աշխատում։ Օրինակ, եթե տղամարդը ցույց է տալիս ֆիզիկական գրգռվածության նշաններ (օրինակ՝ առավոտյան էրեկցիա), դա չի նշանակում, որ նա անպայման գրգռված է կամ սեքս է ցանկանում։ Նման կերպ կարող է լինել նաեւ կնոջ հետ․ կարող է չունենալ սեքսի ցանկություն, բայց ցանկությունը կարող է առաջանալ գրգռումից առաջ կամ հետո:

Բաց եւ ազնիվ շփում

Սեռական փորձի բարելավման մեկ այլ ասպեկտ է շփումը: Հետազոտությունները ցույց են տվել, որ այն զույգերը, ովքեր բացահայտ եւ կանոնավոր կերպով խոսում են իրենց սեռական նախասիրությունների մասին, ավելի հավանական է, որ մեծ սեռական բավարարվածություն ունենան:

Հաղորդակցությունը բարելավելու համար փորձեք անկեղծ եւ բաց խոսել զուգընկերոջ հետ ձեր սեքսուալության մասին: Քանի որ սեքսը կարող է տարբեր լինել շատերի համար, մի ամաչեք քննարկել, թե ինչն է ձեզ գրգռում եւ ցանկացած վախ կամ հակակրանք, որը կարող եք ունենալ:

Ձեր սեռական կյանքին բազմազանություն ավելացրեք

Հետազոտությունները ցույց են տալիս, որ ձեր սեռական կյանքին հուզմունքներ եւ մի շարք խթանումներ ու տեխնիկա ավելացնելը, ինչպիսիք են տարբեր սեռական դիրքերը, ձեռնաշարժության պրակտիկան եւ օրալ խթանումը, կարող են մեծացնել ձեր սեռական հաճույքը:

Ուշադրություն

Ուշադրությունը ներկա պահի իրազեկման վիճակ է, որը դրականորեն ազդում է սեռական փորձի վրա: Մարմնի զգացողությունների նկատմամբ տեղեկացվածության եւ ուշադրության բարձրացումը կարող է մեծացնել սեռական գրգռվածությունն ու ցանկությունը:

Մոտեցումներից մեկն այն է, որ կենտրոնանալ ներկա պահի վրա եւ ուշադրություն դարձնել սեռական ակտիվության ընթացքում մարմնի զգացումներին: Այն կարող է օգնել բարձրացնել սեռական գրգռվածությունը եւ մեծացնել հաճույքը:

Բացի այդ, դանդաղ, խորը շունչը եւ շնչառության վրա կենտրոնանալը կարող են օգնել հանգստացնել միտքը եւ բարձրացնել սեռական ցանկությունը:

Ֆիզիկական մտերմության համար հանգստացնող տարածք ստեղծելը կարող է նաեւ օգնել վստահության ձեւավորմանն ու զուգընկերոջ հետ ինտիմ կապին։

Ակնկալիքների կառավարում

Այն միտքը, որ սեքսը կանխատեսելի է, ճշգրիտ եւկատարյալ, անիրատեսական է: Սեքսը բարդ է եւ բազմակողմանի:

Սակայն, մեր սեքսուալ սցենարները հաճախ մեզ հակառակն են ասում: Մշակութային նորմերը եւ կրոնական համոզմունքները կարող են ազդել, թե ինչպես ենք մենք վերաբերվում սեռական վարքագծին ու հաճույքներին: Օրինակ՝ որոշ մշակույթներում կամ կրոններում սեքսը կարող է դիտվել բացառապես որպես վերարտադրողական գործողություն։

Սցենարները կարող են սահմանափակող լինել նրանով․ կարող են սահմանել, թե ինչն է համարվում «նորմալ» կամ «ընդունելի»: Բայց դրանք կարող են նաեւ ոգեշնչող ու սեքսուալ լինել՝ ստեղծելով սեքսուալությունը ուսումնասիրելու եւ արտահայտելու շրջանակ:

Անկախ սեքսի մասին մեր պատկերացումներից, կարեւոր է նաեւ հարմարավետ զգալ սեփական մարմնում։ Եթե ​​կարողանաք ընդունել ձեր մարմինը եւ սիրել այն այնպիսին, ինչպիսին կա, դա կօգնի ձեզ սեքսի հարցում: