WhatsApp-ի ղեկավարը հայտարարել է, որ Telegram-ը բազմաթիվ խոցելի տեղեր ունի և կոչ է արել հրաժարվել դրանից
WhatsApp-ի ղեկավար Ուիլ Քեթքարտը Telegram-ին մեղադրել է օգտատերերի համար անվտանգության պատշաճ մակարդակ չապահովելու մեջ և բոլորին կոչ է արել հրաժարվել Պավել Դուրովի ստեղծած մեսենջերից։ Այս մասին Ուիլ Քեթքարտը գրել է Twitter-ի իր էջում։
«Telegram-ը կանխադրված կերպով ծայրից ծայր կոդավորված չէ և խմբերի համար չի առաջարկում E2EE (ծայրից ծայր կոդավորում)»,- նշել է Քեթքարտը:
Սրանով WhatsApp-ի ղեկավարը ցանկացել է ցույց տալ WhatsApp-ի գերազանցությունը Telegram-ի նկատմամբ, որը սովորական չատերում ու խմբերում չի օգտագործում ծայրից ծայր կոդավորում՝ ի տարբերություն ամերիկյան մեսենջերի։
Ուիլ Քեթքարտը նաև մեջբերել է Wired-ի հոդվածը, որում պնդում է արվում, որ Telegram-ում խոցելիություն է հայտնաբերվել, որը թույլ է տալիս նույնիսկ փակ չաթերը կարդալ: Հոդվածում նաև նշվում է, որ Telegram-ի գաղտնիության քաղաքականության բաժնում դեռ ասվում է, որ երբեք օգտատերերի տվյալները չեն փոխանցվել կառավարություններին, սակայն դա այդպես չէ։
Հոդվածում նաև նշվում է, որ Telegram-ը կառուցել է մեկ այլ API, որը, կարծես, թույլ է տալիս հասանելիություն ստանալ օգտվողի ստեղծած բովանդակությանը՝ զանգվածային հսկողության նպատակով։ Wired-ի հոդվածագիրը նաև նշում է, որ բացի նրանից, որ Telegram-ը չի ապահովում հաղորդագրությունների անվտանգությունը, մեսենջերը մարդկանց վտանգի է ենթարկում․ ռուս-ուկրաինական պատերազմի ժամանակ հնարավոր էր «խաբել» Telegram-ին և իմանալ յուրաքանչյուր օգտատիրոջ գտնվելու վայրը մոտ 3 կմ ռադիուսով։
WhatsApp-ի ղեկավարը խոստովանել է, որ իր քննադատությունը կարող է տպավորություն թողնել, թե ինքը կոնկրետ նպատակ է հետապնդում դրանով, սակայն նա, այդուհանդերձ, բոլորին չի հորդորել Telegram-ը լքելուց հետո անցնել WhatsApp-ի։
«Կան բազմաթիվ այլ հիանալի մեսենջերներ՝ ծայրից ծայր կոդավորումով: Եթե չեք պատրաստվում օգտվել WhatsApp-ից, ապա օգտագործեք դրանցից մեկը, բայց ոչ Telegram-ը»,- եզրափակել է Քեթքարտը։
This is a really important article from @DarrenLoucaides @Wired about Telegram. If you think Telegram is secure, you should read this article and understand the truth - especially before you use it for anything private.
— Will Cathcart (@wcathcart) February 10, 2023
Some really important points: https://t.co/WefbuS11Ov
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Աշխատող ծնողների համար սահմանվում է «ծնողական ժամ»
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Գերմանիայի աշխատաշուկան՝ կադրերի դեֆիցիտի առաջ
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...