Հալեպում փլատակների տակից դուրս են բերել մի նորածնի

Սիրիայի հյուսիսում, Հալեպ քաղաքի արվարձաններում փլուզված շենքերի փլատակների տակ մնացած քաղաքացիների որոնողական աշխատանքների ժամանակ փրկարարները նորածնի են փրկել, երկուշաբթի տեղեկացրել է Al Arabiya հեռուստաալիքը։

Ականատեսների վկայությամբ՝ նորածնի մորը փրկել չի հաջողվել։

Ավելի վաղ Հալեպից ստացվել էին տեղեկություններ նորածին աղջկա եւ դեռահասի փրկելու մասին Էլ Աքաբա թաղամասում, որը գտնվում է քաղաքի հին մասում։ Այս նահանգի կենտրոնում, որը գտնվում է Դամասկոսից 360 կիլոմետր հյուսիս, երկրաշարժի ժամանակ փլուզվել է 47 շինություն։

Al Arabiya-ի տվյալներով՝ Սիրիայի հյուսիսի բնակավայրերի բնակելի թաղամասերում տարերային աղետի հետեւանքով գրանցվել են 58 փլուզումներ։

Այս թեմայով Սեբաստիայում 4.4 մագնիտուդում երկրաշարժ է գրանցվել Երկրաշարժի դեպքում 90 հազար շինություն վտանգի տակ է Ստամբուլում Թուրքիայի Քահրամանմարաշ նահանգում երկրաշարժ է տեղի ունեցել Թուրքիայի Քահրամանմարաշ նահանգում կրկին երկրաշարժ է գրանցվել Թուրքիայի տնտեսությունը 34 մլրդ դոլարի վնաս է կրել երկրաշարժից, 1,25 միլիոն մարդ անօթևան է