Հնդկաստանի ռազմաօդային ուժերի կործանված ինքնաթիռների երկու օդաչուներին գտել են, երրորդին փնտրում են

Հնդկաստանի ռազմաօդային ուժերի ինքնաթիռների երկու օդաչուները, որոնք կործանվել էին Մադհյա Պրադեշ նահանգում, հայտնաբերվել եւ հոսպիտալացվել են, ներկայումս ընթանում են երրորդի որոնումները: Այս մասին հայտնում է NDTV հեռուստաալիքը՝ հղում անելով ոստիկանության բարձրաստիճան աշխատակցին։

«Երկու օդաչուները փրկվել են եւ տեղափոխվել հիվանդանոց բուժման համար, մինչդեռ ջանքեր են գործադրվում երրորդ օդաչուին փրկելու համար, որն անհետ կորել է»,-ասվում է հաղորդագրության մեջ:

Պաշտպանության նախարար Ռաջնաթ Սինգհը տեղեկացրել է վթարի մասին եւ ասել, որ ուշադիր հետեւում է զարգացումներին:

BBC-ի հետաքննությամբ զբաղվող հանձնաժողովը պետք է պարզի կատարվածի պատճառները, այդ թվում՝ եղել է արդյոք բախում օդում, թե՝ ոչ։

Միջադեպը տեղի է ունեցել հունվարի 28-ին։ Հնդկաստանի ռազմաօդային ուժերի կործանիչները՝ ռուսական արտադրության Սու-30-ը եւ ֆրանսիական արտադրության Mirage 2000-ը, կործանվել են Հնդկաստանի Մադհյա Պրադեշ նահանգում։ Վթարի վայրում փրկարարական աշխատանքներ են ընթանում։