Լաչինի մասին ՄԱԿ-ի ԱԽ հայտարարությունը չի ընդունվել Ֆրանսիայի անբարեխիղճ գործողությունների պատճառով
Լաչինի միջանցքի վերաբերյալ ՄԱԿ-ի Անվտանգության խորհրդի հայտարարությունը չի ընդունվել Ֆրանսիայի անբարեխիղճ գործողությունների, այլ ոչ թե Ռուսաստանի դիրքորոշման պատճառով, ինչպես փորձում են պնդել որոշ հայկական թելեգրամյան ալիքներ։ Այդ մասին իր թելեգրամյան ալիքում հայտարարել է ՄԱԿ-ում ՌԴ մշտական ներկայացուցչի առաջին տեղակալ Դմիտրի Պոլյանսկին։
«Չեմ կարող չնշել մի շարք հայկական Telegram ալիքների կողմից տարածված Լաչինի միջանցքի շուրջ ստեղծված իրավիճակի մասին մամուլի համար ՄԱԿ-ի Անվտանգության խորհրդի հայտարարություն չընդունելու պատճառների մասին տեղեկատվության բացարձակապես կեղծ ներկայացումը։ Հենց սկզբից մենք վճռական էինք կառուցողական աշխատելու Անվտանգության խորհրդի պատասխանի մշակման համատեքստում: Երևանի խնդրանքով այս գործընթացը համակարգել են ֆրանսիացիները, որոնք անտեսել են մեր առաջարկների ճնշող մեծամասնությունը՝ միաժամանակ հաշվի առնելով Անվտանգության խորհրդի մյուս անդամների ուղղումները։ Փարիզի կողմից նման քայլերի անբարեխղճությունն ակնհայտ է», - նշել է նա։
Պոլյանսկին հավելել է, որ ռուս խաղաղապահները ոչ թե խոսելով, այլ գործով են զբաղված Լեռնային Ղարաբաղում հակամարտության, այդ թվում՝ Լաչինի միջանցքի շուրջ իրավիճակի կարգավորմամբ։
«Ռուս խաղաղապահներն ապահովում են անվտանգությունը և կողմերի հետ շփումների միջոցով փորձում են լուծել վիճելի հարցերը: Անկախ ներկայիս լարվածությունից, կարգավորման հիմքում են մնում ամենաբարձր մակարդակով ընդունված չորս համատեղ հայտարարությունները»,- գրել է Պոլյանսկին:
Նրա խոսքով՝ ՄԱԿ-ում ԱԽ հայտարարության նախագծի հեղինակները տեքստում չեն նշել «այդ փաստաթղթերի նշանակությունը և ռուս խաղաղապահների դերը»:
Դիվանագետը հույս է հայտնել, որ «հայ ընկերները թույլ չեն տա իրենց ներքաշել անբարեխիղճ աշխարհաքաղաքական խաղերի մեջ»: Ըստ Պոլյանսկու՝ «իրենք հաստատապես հավատում են, որ Խորհրդի պատասխանը պետք է օգնի գտնել փոխզիջում և վերսկսել խաղաղության գործընթացը՝ առանց որևէ կողմին պիտակավորելու»:
ՄԱԿ-ի Անվտանգության խորհուրդը դեկտեմբերի կեսերից փորձում էր համաձայնության գալ Լաչինի միջանցքում տիրող իրավիճակի շուրջ ընդհանուր հայտարարության շուրջ:
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են