Պերուում բողոքի ցույցերի հետեւանքով զոհերի թիվը հասել է 28-ի

Պերուում բողոքի ցույցերի հետեւանքով զոհվել է առնվազն 28 մարդ։ Այս մասին հայտնում է ՌԻԱ Նովոստին վկայակոչելով երկրի մարդու իրավունքների հարցերով լիազորի գրասենյակի զեկույցին։

«Բախումների ժամանակ զոհվել է 22 խաղաղ բնակիչ, 6 քաղաքացիական անձ՝ ճանապարհատրանսպորտային պատահարների եւ շրջափակման հետ կապված միջոցառումների հետեւանքով», - ասվում է զեկույցում։

Պերուում բողոքի ցույցերը սկսվել են նախագահ Պեդրո Կաստիլյային հայտարարված իմփիչմենտից հետո։ Անկարգությունների արդյունքում տուժել է 661 մարդ՝ 371 խաղաղ բնակիչ եւ 290 ոստիկանության աշխատակից։