Հուսով եմ Փաշինյանի շարասյան վրաերթի զոհ Սոնայի հորը չեք ասել բացահայտի աղջկադ սպանողին ու գնդակահարի նրան․ պատգամավոր

ՔՊ-ականներն Արցախի շրջափակումից 11 օր անց՝ իրենց քայլերն ու դրանց էֆեկտիվությունը ցույց տալու փոխարեն Դաշնակցությանն են մեղադրում 2013 թ ինչ որ սպանություն չբացահայտելու և հանցագործներին չպատժելու համար։ Այսպես է ԱԺ-ում իր ելույթն այսօր սկսել «Հայաստան» խմբակցությունից Քրիստինե Վարդանյանը՝ տարակուսանքով դիմելով իշխող «Քաղպայմանագիր» խմբակցությանը։ «Հերքի չի 4 տարի իշխանության եք ու ոչ մի առաջընթաց չկա իրենց կողմից հիշատակված 2013-ին Պռոշյանի գյուղապետ Հրաչ Մուրադյանի սպանության գործով , որին մենք անընդհատ հետապնդում ենք, նաև Հրաչ Մուրադյանի ընտանիքի միակ խնամակալ որդուն՝ Գևորգ Մուրադյանին 3 ամիս ապօրինի զրկել են ազատությունից և հետն էլ փորձել են եռամսյա հավաքներին հավաքագրել, սա խայտառակություն է։ Հուսով եմ չեք այցելել Նիկոլ Փաշինյանի շարասյան վրաերթի զոհդարձած Սոնայի հորը ու չեք ասել նրան բացահայտի աղջկադ սպանողին ու գնդակահարի նրան»,-ասել է պատգամավորը։