Չինաստանը մտահոգված է Լաչինի միջանցքի շուրջ ստեղծված իրավիճակով եւ դրա հումանիտար հետեւանքներով
Չինաստանը մտահոգված է Լաչինի միջանցքի շուրջ ստեղծված իրավիճակով եւ դրա հումանիտար հետեւանքներով։ Այս մասին այսօր Անվտանգության խորհրդում Լաչինի միջանցքում ստեղծված իրավիճակի վերաբերյալ Հայաստանի հայտարարության հիման վրա հրավիրված քննարկման ժամանակ հայտարարել է ՄԱԿ-ում Չինաստանի մշտական ներկայացուցչի տեղակալ Գեն Շուանը։
«Կարծում ենք, որ Լաչինի միջանցքի շուրջ ստեղծված իրավիճակը պետք է լուծվի երկխոսության եւ խորհրդակցությունների միջոցով։ Ռուսաստանն այս առումով մեծ աշխատանք է կատարել եւ դրական առաջընթաց է գրանցել։ Հուսով ենք, որ Ռուսաստանի եւ այլ շահագրգիռ կողմերի միջնորդական ջանքերով Լաչինի միջանցքի շուրջ կողմերի միջեւ առկա տարաձայնությունները հնարավորինս արագ կլուծվեն։
Հայաստանն ու Ադրբեջանը հարեւաններ են, ընդհանուր անվտանգության ձեռքբերումը եւ համագործակցության զարգացումը բխում է երկու երկրների շահերից։Վերջին տարիներին Հայաստանը, Ռուսաստանը եւ Ադրբեջանը երեք համատեղ հայտարարություն են ընդունել՝ պայմանավորվել են ռազմական գործողությունների դադարեցման, տնտեսական, տրանսպորտային համագործակցության եւ սահմանի մասին։ Ելնելով այս հայտարարություններից՝ մենք կոչ ենք անում Հայաստանին եւ Ադրբեջանին հանդիպել միմյանց հետ եւ պատշաճ կերպով լուծել երկու երկրների միջեւ վեճը՝ միջազգային իրավունքի համընդհանուր ճանաչված նորմերի հիման վրա։ Մենք աջակցում ենք ցանկացած դիվանագիտական ջանքերի, որոնք նպաստում են այս նպատակին եւ կառուցողական դեր կխաղան այս հարցում»,- ասել է նա։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է