Մակրոնը Մարոկկո-Ֆրանսիա խաղին ընդառաջ հերթական գրառումն է արել

Կատարում շարունակվում է Աշխարհի 2022 թվականի առաջնությունը։ Երեկ՝ դեկտեմբերի 11-ին, կայացավ այս առաջնության ամենահետաքրքիր հանդիպումներից մեկը։ Ֆրանսիայի հավաքականը ¼ եզրափակչում 2-1 հաշվով հաղթանակ տարավ  Անգլիայի ընտրանու նկատմամբ ու դուրս եկավ կիսաեզրափակիչ, որտեղ մրցելու է Մարոկկոյի հավաքականի դեմ, որը պայքարից դուրս թողեց Պորտուգալիայի ընտրանուն։ Ֆրանսիա-Մարոկկո հանդիպումը կայանալու է դեկտեմբերի 14-ին, Երևանի ժամանակով 23։00-ին։ Առաջին կիսաեզրափակիչը՝ Արգետնիա-Խորվաթիա, կայանալու է մեկ օր շուտ, կրկին ժամը 23։00-ին։

Ֆրանսիայի նախագահ Էմանուել Մակրոնը, որը պարբերաբար անդրադառնում է աշխարհի ընթացիկ առաջնությանը, Մարոկկո-Ֆրանսիա խաղին ընդառաջ հերթական գրառումն է կատարել։

«Մարոկկացիներ, իհարկե մենք ողջումնում ենք ձեր պատմական հաղթանակը Պորտուգալիայի հավաքականի նկատմամբ։ Կհանդիպենք կիզաեզրափակչում, մարոկկացիներ։ Իսկ Ֆրանսիայի հավաքականին ուզում եմ ասել, որ ողջ ֆրանսիան ձեզ հետ է, մենք միասին գործը կհասցնենք ավարտին, միշտ առաջ։ Դուք հերթական անգամ ապացուցեցիք բոլորին, որ մենք արժանի մրցակից ենք յուրաքանչյուրի համար»,- գրել է Մակրոնը։