Բելգիայում կոռուպցիայի գործով ձերբակալվել է Եվրախորհրդարանի փոխնախագահը
Բելգիայի ոստիկանությունը մի շարք խուզարկություններից հետո ձերբակալել է Եվրախորհրդարանի ղեկավարությանը մոտ կանգնած առնվազն չորս անձի։ Վերջիններս կասկածվում են կոռուպցիայի եւ Կատարի շահերի օգտին լոբբինգի մեջ՝ կապված այնտեղ ֆուտբոլի աշխարհի առաջնության անցկացման հետ։ Խուզարկությունների արդյունքում ոստիկանությունը առգրավել է մոտ 600 հազար եվրո կանխիկ գումար, գրում է Politico-ն։
Բելգիայի դատախազությունը չի նշում ձերբակալվածների անունները, սակայն Le Soir պարբերականը՝ վկայակոչելով իր աղբյուրները, հայտնում է, որ կասկածյալներից մեկը Եվրախորհրդարանի փոխնախագահ Եվա Կայլին է՝ հունական PASOK Սոցիալիստական կուսակցության անդամ: Հունական մամուլն արդեն հրապարակել է PASOK-ի հայտարարությունը՝ Կայլիին կուսակցությունից հեռացնելու մասին։
Ավելի վաղ Կատարի աշխատանքի նախարարի հետ հանդիպման ժամանակ Եվա Կայլին Կատարն անվանել է «առաջավոր երկիր աշխատավորների իրավունքների առումով»՝ չնայած միջազգային ատյանների բազմաթիվ հայտարարություններին առ այն, որ Կատարում օլիմպիական օբյեկտների շինարարության ժամանակ աշխատողների իրավունքների խախտումներ են գրանցվել։
ԶԼՄ-ների տվյալներով՝ ձերբակալվածների թվում են Արհմիությունների միջազգային կոնֆեդերացիայի գլխավոր քարտուղար Լուկա Վիսենտինին եւ Իտալիայից Եվրախորհրդարանի նախկին պատգամավոր Պիեռ Անտոնիո Պանցերին:
Աշխատող ծնողների համար սահմանվում է «ծնողական ժամ»
Ինչպիսի եղանակ է սպասվում այսօր
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
Մոռացված աստվածների զոհը. Գերմանիայում գտել են տղամարդու աճյուն՝ դաժան ծեսի հետքերով
Դարվինի հանելուկը, որի շուրջ 160 տարի գլուխ էին կոտրում, վերջապես պատասխան ստացավ
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում