ՀՀԿ-ի երազած ընտրությունները եւ երկիրը

Թուրքմենստանի գործող նախագահ Գուրբանղուլի Բերդիմուհամեդովը վերընտրվել է հանրապետության ղեկավար երրորդ ժամկետում: Նա հավաքել է քվեարկողների ձայների 97,69%-ը, այսինքն՝ «խփել» է այնքան որքան ցանկացել է:

Թուրքմենստանի ԿԸՀ-ն հայտարարել է, որ ընտրողների մասնակցությունը կազմել է 97,27%-ը:

Նշվում է, որ նախագահի պաշտոնին հավակնել է ևս ութ թեկնածու, սակայն նրանցից ոչ մեկին չի հաջողվել անգամ ընտրողների ձայների 5%-ը հավաքել:

Ահա այսպիսի ընտրություններ եւ այսպիսի երկիր են ցանկանում ՀՀԿ-ականները: Սա է նրանց երազանքի գագաթնակետը:

Իսկ Թուրքմենստանի ԿԸՀ-ի հրապարակած թվերին ծանոթանալով պարզվում է, որ այս երկրի չափահաս բնակչության միայն 2.7 տոկոսն է, որ չի մասնակցել ընտրություններին: Այլ կերպ ասած, ընտրությունների օրը բոլորը ոչ միայն շտապում են ընտրատեղամաս, այլ նաեւ երկրում են, եւ որ ամենակարեւորն է՝ հիվանդ կամ վատառողջ չեն:

Top-News.am