Հայերը պետք է վերանան. 2008 թվականի ԱՄՆ պետական զեկույցում նշվում էր Ադրբեջանի նպատակը
2008 թվականի ԱՄՆ պետական զեկույցում նշվում էր Ադրբեջանի նպատակը՝ ջնջել Հայաստանը և նրա ժողովրդին տարածաշրջանից:
Ապշում ես` կարդալով ամերիկացի դիվանագետ Դենիել Ֆրիդի կողմից իր իշխանությունների համար 2008-ին գրված այս զեկույցի 49 և 50 էջերը:
Ադրբեջանի իշխանությունների բացահայտ նպատակը միշտ եղել են հայերի էթնիկ զտումները, և ոչ միայն Արցախից, այլ ողջ Հայաստանից։ Ահա մի քանի մեջբերում: «Առաջիկա 25 տարվա ընթացքում Հարավային Կովկասում Հայաստան պետություն չի լինի։ Այս մարդիկ․․․ իրավունք չունեն ապրել այս տարածաշրջանում: Ժամանակակից Հայաստանը կառուցվել է պատմական ադրբեջանական հողերի վրա։ Կարծում եմ, որ 25-30 տարի հետո նրա տարածքը կրկին կանցնի Ադրբեջանի իրավասության տակ» հայտարարել էր Ադրբեջանի պաշտպանության նախարար Սաֆար Աբիևը իր խոսնակ Ռամիզ Մելիքովի միջոցով «Ազատություն» լրատվամիջոցին 2004 թվականին:
Ավելին, 2005 թվականին, Գերմանիայի Բավարիայի քաղաքային պատվիրակության հետ հանդիպման ժամանակ Բաքվի քաղաքապետ Հաջիբալա Աբութալիբովը ասել էր գերմանացիներին․ «Մեր նպատակը հայերի լիակատար ոչնչացումն է։ Դուք, նացիստներդ, արդեն վերացրել եք հրեաներին 1930-40-ականներին, չէ՞: Դուք պետք է կարողանաք հասկանալ մեզ»: Այս խոսքերը 2006 թվականի փետրվարի 17-ին հրապարակվել են Реальный Азербайджан թերթում, որի գլխավոր խմբագիր Էյնուլլա Ֆաթուլաևը ստիպված է եղել փակել իր երկու լրատվամիջոցները հոր առևանգումից հետո, որին սպառնացել են սպանել, եթե որդին չդադարի բարձրաձայնել Ալիևների կլանի անօրինական գործողությունները։ Նախկինում այս լրագրողին դաժան ծեծի էին ենթարկել ու բանտարկել…
Ավելի ուշ՝ 2008-ին, խոսելով մեկ օր անց այն բանից հետո, երբ ադրբեջանական ուժերը չկարողացան գրավել հայկական դիրքը շփման գծի երկայնքով, ինչի հետևանքով զոհվեց 8 ադրբեջանցի, նախագահ Իլհամ Ալիևը ընդգծել էր. « Մեր ռազմական բյուջեն հասել է տարեկան 1,3 միլիարդ դոլարի և կշարունակի աճել: . . Ուժը որոշիչ գործոնն է աշխարհում » (Ռեգնում, 5 մարտի, 2008 թ.)։
Այս իրադարձությունից մեկ տարի առաջ՝ 2007-ին, Ալիևը հայտարարել էր․ «Պատերազմը դեռ չի ավարտվել, ավարտվել է միայն դրա առաջին փուլը։ Մենք կերտում ենք մեր բանակն ու տնտեսությունը և պետք է պատրաստ լինենք օգտագործելու բոլոր անհրաժեշտ միջոցները՝ մեր հողերը օկուպացիայից ազատելու համար։ Եվ մենք մոտենում ենք այդ օրվան։ ․․․Մենք պատրաստ ենք ռազմական գործողության ցանկացած պահի» (Կավկազսկի Ուզել, 2 հուլիսի, 2007 թ.)։
Հարկ է նշել, որ 2002 թվականին արդեն հարցին, թե արդյոք ադրբեջանական բանակը «պատրաստ է գնալ Հայաստանի մայրաքաղաք Երևան», Սաֆար Աբիևը պատասխանել է Ադրբեջանի լրատվական ծառայությանը․ «Մենք կարող ենք նույնիսկ ավելի հեռու գնալ»:
Հարց. ո՞վ և ինչո՞ւ է դեռ հավատում այս հարևանի հետ խաղաղության դարաշրջանին։
Այս զեկույցի հեղինակի մասին
Դենիել Ֆրիդը (ծնված 1952 թ.) ամերիկացի դիվանագետ է, ով 2005-2009 թվականներին աշխատել է որպես պետքարտուղարի օգնական Եվրոպայի և Եվրասիայի հարցերով և 1997-2000 թվականներին Լեհաստանում Միացյալ Նահանգների դեսպան: Նա նաև ծառայել է որպես Գուանտանամոյի փակման համար հատուկ բանագնաց և Միացյալ Նահանգների էմբարգոյի համակարգող: Ֆրիդը պետքարտուղարությունից թոշակի անցավ 2017 թվականի փետրվարին քառասուն տարվա ծառայությունից հետո։
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են