ԱՄՆ-ում հայտարարել են առանց Ուկրաինայի թեմայի քննարկման Ռուսաստանի հետ բանակցությունների մասին
ԱՄՆ-ի եւ ՌԴ-ի բանակցություններն ուղղված են երկրների միջեւ հարաբերություններում ռիսկերի նվազեցմանը, բայց Ուկրաինայի վերաբերյալ հարցեր չեն քննարկվում: Այդ մասին հայտարարել է ԱՄՆ-ի ազգային անվտանգության խորհրդի պաշտոնական ներկայացուցիչ Էդրիեն Ուոթսոնը:
Ինչպես գրում է Politico թերթը, Ուոթսոնը հայտարարել է, որ Վաշինգտոնը «հնարավորություն ունի, երբ դա անհրաժեշտ է, ուղղակիորեն բարձր մակարդակով խոսել Ռուսաստանի կառավարության հետ»: «Դա տեղի է ունեցել վերջին մի քանի ամիսներին…Դրա միակ նպատակն է՝ քննարկել ռիսկերի նվազեցումը ԱՄՆ-ի եւ Ռուսաստանի միջեւ հարաբերություններում:
Դա ոչ մի ընդհանուր բան չունի դիվանագիտության հետ կամ Ուկրաինայի վերաբերյալ որեւէ այլ հարցի հետ»,- հրատարակությունը մեջբերում է Ուոթսոնի խոսքը: Ավելի վաղ Վաշինգտոնում Ռուսաստանի դեսպան Անատոլի Անտոնովը ՌԻԱ Նովոստիին հայտարարել է, որ Ռուսաստանի եւ ԱՄՆ-ի միջեւ քաղաքական երկխոսությունը գտնվում է աննախադեպ ցածր նշագծի վրա. վստահությունը խարխլված է, իսկ համագործակցությունը նույնիսկ այն հարցերի շուրջ, որոնք փոխադարձ հետաքրքրություն են ներկայացնում, տապալված է: Ռուսաստանի եւ ԱՄՆ-ի միջեւ հարաբերությունները կտրուկ սրվել են փետրվարին Ուկրաինայում Ռուսաստանի հատուկ գործողության սկսվելուց հետո:
Արեւմուտքը, ներառյալ Նահանգները, դրանից անմիջապես հետո ընդգրկուն պատժամիջոցներ է սահմանել եւ ավելացրել Կիեւին միլիարդավոր դոլարների սպառազինությունների ու ռազմական տեխնիկայի մատակարարումները: Մոսկվայի եւ Վաշինգտոնի միջեւ շփումները, ինչպես ավելի վաղ հայտարարել են ամերիկյան վարչակազմում, ներկայում պահպանվում են միայն շատ սահմանափակ թվով հարցերի գծով:
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են