Վրաստանի գլխավոր բարեկամներն ու թշնամիները ըստ IRI-ի հարցման տվյալների. ՀՀ-ն բարեկամ է, ՌԴ-ն՝ թշնամի

Վրաստանում, ըստ IRI միջազգային հանրապետական ինստիտուտի 2022թ. աշնանն անցկացված հարցման տվյալների, քաղաքացիների մեծ մասը կարծում է, որ իրենց քաղաքական եւ տնտեսական գործընկերներն են՝ Եվրամիությունը (48-51%), ԱՄՆ-ն (43-47%), Ուկրաինան եւ Թուրքիան (16-28%)։ Ռուսաստանը համարվում է Վրաստանի համար սպառնալիք հանդիսացող երկիր (թե որպես քաղաքական թե որպես տնտեսական սպառնալիք Ռուսաստանին համարում են վրացիների 80-89%), իսկ որպես քաղաքական գործընկեր Ռուսաստանին համարում են վրացիների 7 տոկոսը, տնտեսական գործընկեր՝ 15 տոկոսը, գրում է «Նովոստի Գրուզիա»-ն։

Հայաստանն ու Ադրբեջանը համարվում են տնտեսական եւ քաղաքական գործընկեր Վրաստանի համար (տասնյակում են) սակայն որպես առաջատար քաղաքական կամ տնտեսական գործընկեր չեն դիտարկվում։ Ուսումնասիրությունը ցույց է տալիս, որ Վրաստանում հասարակությունն ընդհանուր առմամբ ունի արեւմտյան ուղղորդում։ Եւ բացի այդ, բավական բարձր է մեր հարեւանների մոտ Ուկրաինայի հանդեպ եղած աջակցությունը։ Ուկրաինային Վրաստանի քաղաքական գործընկեր համարում է վրացիների 24 %-ը, տնտեսական գործընկեր՝ 19 %-ը: