Վաշինգտոնը Մոսկվային մեղադրել է Հայաստանի եւ Ադրբեջանի նկատմամբ իր մտադրությունների առնչությամբ «ապատեղեկատվության» մեջ
Վաշինգտոնը Մոսկվային մեղադրել է Հայաստանի եւ Ադրբեջանի նկատմամբ իր մտադրությունների առնչությամբ «ապատեղեկատվության» մեջ։
Ինչպես ասել է Պետդեպարտամենտի խոսնակ Նեդ Փրայսը. «շարունակվում են ապակողմնորոշիչ տեղեկություններ, ավելի ճիշտ՝ հավանաբար ապատեղեկատվություններ, որոնք գալիս են Մոսկվայից, երբ խոսքը վերաբերում է Հայաստանի եւ Ադրբեջանի հետ կապված մեր մտադրություններին, Միացյալ Նահանգները տասնամյակներ շարունակ այս երկու երկրների գործընկերն է եղել»։
Նրա խոսքով՝ «չկա Հարավային Կովկասի երկրների, այդ թվում՝ Հայաստանի ու Ադրբեջանի ինքնիշխանության ու անկախության ավելի մեծ ջատագով, քան ԱՄՆ-ն է»։ «1991 թվականին Հայաստանի եւ Ադրբեջանի անկախության վերականգնումը շրջադարձային իրադարձություն էր։ Մենք շփվում ենք Հայաստանի եւ Ադրբեջանի հետ, դա անում ենք միայն մեկ նպատակով՝ վերջ տալ բռնությանը եւ դնել այս երկրները կայուն եւ համապարփակ խաղաղության ճանապարհին: Մենք հորդորել եւ հասկացրել ենք այս երկրներին, որ նրանք պետք է հանդիպեն իրենց համար առավել օգտակար ձեւաչափով։ Մենք հավատում ենք ուղղակի երկխոսության օգտակարությանը՝ խնդիրների լուծման եւ կայուն խաղաղության հասնելու համար»,-ասել է նա։
«Ես կոնկրետ չեմ մեկնաբանի Ռուսաստանի Դաշնության ջանքերը, միայն կասեմ, որ այս երկու երկրներն են, որ պետք է որոշեն, թե որ մոտեցումն են կիրառելու առաջիկա բանակցությունների ընթացքում։ Աշխարհը գիտի Ռուսաստանի պատմությունը, երբ խոսքը վերաբերում է իր հարեւաններին: 2008 թվականին Ռուսաստանի ներխուժումը Վրաստան եւ շարունակվող դաժան ներխուժումն Ուկրաինա ցույց են տալիս, որ Մոսկվան չի հարգում իր հարեւանների ինքնիշխանությունը եւ դժվար թե երկարաժամկետ հուսալի գործընկեր լինի: Մեր միակ նպատակն է օգնել այս երկրներին վերջ տալ բռնությանը եւ հաստատել կայուն եւ համապարփակ խաղաղություն, որն այնքան շատ են ցանկանում Հայաստանի եւ Ադրբեջանի ժողովուրդները»,-ասել է Փրայսը։
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են