ԱՄՆ-ն Ուկրաինային օգտագործում է որպես խոյ Ռուսաստանի, ՀԱՊԿ-ի եւ ԱՊՀ-ի դեմ․ Պուտին

Բառացիորեն մեր աչքի առաջ աշխարհը փոխվում է եւ իսկապես դառնում է բազմաբեւեռ: Այս մասին հայտարարել է ՌԴ նախագահ Վլադիմիր Պուտինը՝ ելույթ ունենալով ԱՊՀ անդամ պետությունների անվտանգության մարմինների եւ հատուկ ծառայությունների ղեկավարների խորհրդի նիստում։

Նրա խոսքով՝ միջազգային հաղորդակցության որոշ մասնակիցներ ամեն գնով փորձում են պահպանել իրենց երերուն հեգեմոնիան, օգտագործում են քաղաքական, ռազմական, տնտեսական, տեղեկատվական եւ այլ մեթոդներ ու միջոցներ ՝ ռազմավարական կայունության իրավական մեխանիզմների խախտումից մինչեւ իրենց քաղաքականության հետ անհամաձայն միակողմանի պատժամիջոցների կիրառում։

«Չեն խորշում անգամ անմիջական դիվերսիաներից։ Նկատի ունեմ «Հյուսիսային հոսքի» միջազգային գազային մագիստրալների վրա պայթյունների կազմակերպումը։ Փաստացի, խոսքը համաեվրոպական էներգետիկ ենթակառուցվածքների ոչնչացման մասին է։ Եվ դա արվում է չնայած այն բանին, որ նման, այսպես ասած, մեթոդները, իհարկե, հսկայական վնաս են հասցնում եվրոպական տնտեսությանը, զգալիորեն վատթարացնում են միլիոնավոր մարդկանց կենսապայմանները։ Եվ, իրականում, լռում են այն մասին, թե ով է դա արել, ում է դա ձեռնտու։

Շանտաժի, ճնշման, ահաբեկման մարտավարությունը որոշ երկրների կողմից վաղուց օգտագործվում է Համագործակցության գրեթե ողջ տարածքում։ Այսպիսով, «գունավոր հեղափոխությունների» սցենարների իրականացման փորձերը չեն դադարում, ակտիվորեն կիրառվում է ազգայնականության եւ ծայրահեղականության քարտեզը, բռնկվում են զինված հակամարտություններ, որոնք ուղղակիորեն սպառնում են ԱՊՀ բոլոր անդամների անվտանգությանը։

Ինչի են հասնում նրանք, նրանք, ովքեր դա անում են, մենք տեսնում ենք Ուկրաինայի օրինակով, որը դարձել է ամերիկյան արտաքին քաղաքականության գործիք։ Երկիրը փաստացի կորցրել է իր ինքնիշխանությունը եւ ուղղակիորեն վերահսկվում է Միացյալ Նահանգների կողմից, որն օգտագործում է նրան որպես խոյ Ռուսաստանի դեմ, Բելառուսի Հանրապետության հետ մեր միութենական պետության, նաեւ ՀԱՊԿ-ի եւ ընդհանուր առմամբ ԱՊՀ-ի դեմ:

Միեւնույն ժամանակ հստակ տեսանելի է ԱՄՆ-ի իրական վերաբերմունքն իր կամակատարների նկատմամբ։ Գրեթե անմիջապես ուկրաինական տարածքը վերածեցին ռազմական եւ կենսաբանական փորձերի զորափորձարանի, իսկ այժմ զենք են մատակարարում, այդ թվում՝ ծանր, եւ անտեսում են Կիեւի ռեժիմի հայտարարությունները միջուկային զենք ստանալու ցանկության մասին։ Չէ որ, այս մասին Կիեւի իշխանությունները հրապարակայնորեն ասել էին՝ ոչ, բոլորը լռում են։ Հայտնի է նաեւ այսպես կոչված կեղտոտ ռումբը սադրանքների համար օգտագործելու ծրագրերի մասին»,- ասել է նա։

Պուտինը նշել է, որ չի նվազել ԴԱԻՇ-ի, Ալ-Քաիդայի եւ այլ ահաբեկչական խմբավորումների կողմից եկող վտանգի մակարդակը։ «Նրանք փորձում են ներթափանցել ԱՊՀ երկրներ, ձեւավորել գաղտնի բջիջներ, իսկ Աֆղանստանում զինյալների խմբավորումների կենտրոնացումը, հատկապես Կենտրոնական Ասիայի հանրապետությունների սահմանների մոտ, իհարկե, այս տարածաշրջան ներխուժման պոտենցիալ վտանգ է պարունակում։

Ակնհայտ է, որ ոչ Համագործակցությունը որպես ամբողջություն, ոչ էլ առանձին-առանձին մեր երկրները երբեւէ չեն բախվել նման բարդ սպառնալիքների։ Եվ մեր ընդհանուր խնդիրն է առավելագույնս պաշտպանել մեր ժողովուրդներին նրանցից, ամրապնդել կայունությունն ու խաղաղությունը ԱՊՀ տարածքում, շարունակել այն փոխշահավետ ինտեգրացիոն գործընթացների զարգացումը, որոնք վերջին տասնամյակների ընթացքում դարձել են իսկապես գործընկերային հարաբերությունների օրինակ։

Այդ խնդիրների լուծման համար այսօր կարեւոր է մոբիլիզացնել ձեզ վստահված բոլոր ուժերն ու միջոցները։ Եվ, իհարկե, լիարժեք օգտագործել կուտակված փորձն ու շփումները, որոնք, ինչպես բազմիցս համոզվել ենք, զգալիորեն մեծացնում են յուրաքանչյուր ծառայության ներուժն ու արդյունավետությունը։
Առաջնահերթ խնդիրներից մեկը Համագործակցության երկրների ներքին գործերին միջամտելու փորձերին համատեղ դիմակայելն է։ Մենք ձեզ հետ միասին գիտենք, թե դա ինչ է: Դրա համար՝ դրան դիմակայելու համար, անհրաժեշտ է ավելի ակտիվ բացել եւ կասեցնել օտարերկրյա հատուկ ծառայությունների աշխատանքը, որն ուղղված է իրավիճակի ապակայունացմանը յուրաքանչյուր առանձին պետությունում, որն ԱՊՀ անդամ է»,- ասել է նա։