Ֆրանսիան դեմ է, որ Իրանը Ռուսաստանին անօդաչուներ է տրամադրում
Ֆրանսիայի ԱԳՆ-ն հայտարարել է, որ իրանական անօդաչուների ցանկացած հանձնում Ռուսաստանին ՄԱԿ Անվտանգության խորհրդի բանաձեւի «խախտում» է։ ՄԱԿ ԱԽ-ը հավանություն է տվել Իրանի 2015թ. միջուկային համաձայնագրին, տեղեկացրել է Reuters-ը։
«Մենք նկատում ենք Ռուսաստանի զինված ուժերի կողմից Ուկրաինայում իրանական անօդաչուների օգտագործման բազմաթիվ դեպքեր»,- ասել է ԱԳՆ-ի պաշտոնական ներկայացուցիչ Անն-Քլեր Լեժանդրը։ «Իրանական անօդաչուների մատակարարումը Ռուսաստան կխախտեր նաեւ ՄԱԿ Անվտանգության խորհրդի 2 231 բանաձեւը»։
Լեժանդրը նշել է, որ Փարիզը համաձայնեցնում է իր եվրոպացի գործընկերների հետ, թե ինչպես արձագանքի Ռուսաստանին իրանական անօդաչուների պոտենցիալ հանձնմանը։
Նշված բանաձեւի համապատասխան՝ Իրան զենքի մատակարարման էմբարգոն գործել է մինչեւ 2020թ. հոկտեմբեր։ Բայց բանաձեւը նախկինի պես ներառում է սահմանափակումներ հրթիռների եւ դրանց հետ կապված տեխնոլոգիաների համար, որոնք գործելու են մինչեւ 2023թ. եւ վերաբերում են առաջավոր ռազմական համակարգերի արտահանմանն ու գնմանը։
Դիվանագիտական աղբյուրը տեղեկացրել է, որ անօդաչուներն ընկնում են Հրթիռային տեխնոլոգիաների վերահսկման ռեժիմի տակ։ Սա ոչ պաշտոնական քաղաքական համաձայնագիր է պետությունների միջեւ, որն ուղղված է հրթիռների եւ հրթիռային տեխնոլոգիաների տարածման սահմանափակմանը, եւ որոնց վաճառքը կնշանակի խախտել բանաձեւը։
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
ԱՄՆ-ն ցանկանում է հանգստավայր կառուցել Գազայի հատվածի ավերակների վրա
Մակրոնը հայտարարել է լայնածավալ ռազմական ծրագրի մեկնարկի մասին
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Արփի Լենդ» ՍՊԸ-ին պատկանող սպանդանոցի արտադրական գործունեությունը
Գյումրիում կատարված uպանnւթյnւնը բացահայտվել է, մեկ անձ ձերբակալվել է
Փրկարար ծառայությունն ամփոփում է անցած շաբաթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»