Ինչների՞դ ա պետք էտ ձևի կյանքը. Արզաքանցյանը՝ որդուն բանակ ուղարկելու մասին

 ԱԺ նախկին պատգամավոր, «Ուժը հայրենյաց» կուսակցության առաջնորդ Տիգրան Արզաքանցյանն իր ֆեյսբուքյան ուղիղ եթերում խոսել է խաղաղության պայմանագրի մասին, ասելով, որ այն օգուտ չի տալու մեր պետությանը. «Մեր իշխանությունը պետք է շատ մտածի, որ մենք պետք է ուժներս հավաքենք, մեր տնտեսությանը մեծ ուշադրություն դարձնենք, զարգացնենք մեր երկիրը , տեսնենք, թե մեր հարևան թշնամիները ի՞նչ ձև են իրենց պահում։ Ես չեմ հասկանում, այսօր ի՞նչ իլուզիաների մեջ է մեր կառավարությունը գտնվում, որ գնում են այդ քայլին։ Հարգելի՛ կառավարություն , այսօր դուք շատ մեծ սխալ եք անում, որ գնում եք հաշտության։ Չեք տեսնու՞մ , Ալիևն արդեն ասում է, որ ինքն ամեն ինչ արդեն համաձայնեցրել է Փաշինյանի հետ Բրյուսելում։ Ոչ մի տեղ գրված չէ, թե Ադրբեջանն այդ համաձայնագրի շուրջ ինչե՞ր է կատարելու։ Սահմանից ազատում են այն համայնքները, որը չի մտել ամսի իննի մեջ, ինչքա՞ն կարելի է դրա մասին խոսել»։ Մանրամասն՝ տեսանյութում։