Թուրքիան ու Ադրբեջանը կփորձեն ստիպել, բայց Հայաստանը չի ճանաչի Արցախը որպես Ադրբեջանի մաս. Դավիթ Բաբայան
Որպեսզի մենք մնանք Արցախում, անհրաժեշտ է նախեւառաջ միասնականություն, անհրաժեշտ է, որ ողջ հայությունը հաստատակամ լինի եւ պատրաստակամ օգնելու Արցախին՝ Արցախի փրկության գործին մասնակից լինելու համար: Այս մասին Ստեփանակերտում NEWS.am-ի հետ զրույցում նշեց Արցախի ԱԳ նախարար Դավիթ Բաբայանը:
«Կան բոլոր հնարավորությունները, որ Արցախը մնա հայկական, պահի իր ինքնությունը, եւ Ադրբեջանը վերջնականապես չխժռի Արցախը, որովհետեւ Արցախի կործանումից հետո գալու է Հայաստանի կործանումը: Թող որեւէ մեկն այստեղ իլյուզիաներ չունենա: Հետեւաբար, պետք է նախեւառաջ մենք այս բարդ իրավիճակից հոգեբանորեն դուրս գանմք եւ արդեն գործընթացն ընթանում է: Այո, մենք ծանր վիրավոր ենք մարմնով, այո, մեր սիրտը արյունով լի է, վերքերի մեջ է, չսպիացած վերքեր ունենք, բայց հոգեբանորեն առաջին հերթին պետք է հաղթահարենք այդ ամենը: Երբ որ հաղթահարենք եւ վերականգնենք մեր ոգու զորությունը, մնացած հարցերը լինելու են տեխնիկական»,-ասաց նա:
Հարցին, թե արդյոք Արցախից պաշտոնապես հրավեր եղել է ՀՀ իշխանություններին՝ Ստեփանակերտում մասնակցելու Արցախի անկախության տարեդարձին, Դավիթ Բաբայանը պատասխանեց. «Ընդհանրապես սա բաց է, ով ուզում գալիս է: Ես տեսա տարբեր քաղաքական ուժերի ներկայացուցիչների, ՀՀ գլխավոր դատախազն էր այստեղ: Այս արարողակարգային բաները կարելի է մի կողմ դնել, հիմնական հարցն այն է, որ կարողանանք Արցախը փրկել: Տոնական միջոցառումներ, որպես այդպիսին չկան, բայց կան ժողովրդական այցելություններ, քայլերթ, մեծ հանրահավաք: Մենք պարտավոր ենք այս տոնը նշել, բայց պետք է գա այն օրը, որ նաեւ տոնենք: Պետք է ամեն ինչ անենք՝ այս ծանր իրավիճակից դուրս գալու համար»:
Անդրադառնալով Բրյուսելում Փաշինյան-Ալիեւ-Միշել հանդիպմանը, որտեղ, ըստ հաղորդագրությունների, խոսք չի եղել Արցախի մասին, Դավիթ Բաբայանն ասաց. «Կարեւոր չէ, որ Արցախի մասին խոսք կամ բառ լինի: Բոլորն էլ գիտեն մեր դիրքորոշումը: Մեզ համար անընդունելի է ցանկացած կարգավիճակ Ադրբեջանի կազմում, հետեւաբար սա այն կարմիր գիծն է, որ մեր տղաներն են գծել իրենց արյունով: Կարեւորն այն է, որ թույլ չտան, որ Ադրբեջանն ու Թուրքիան փորձեն խախտել այդ կարմիր գծերը»:
Ինչ վերաբերում է Ադրբեջանի հետ խաղաղության պայմանագիր կնքելուն, Արցախի ԱԳ նախարարն ասաց. «Մենք դեմ չենք խաղաղության պայմանագրին, թող լինի խաղաղության պայմանագիր, եթե դա կկարգավորի երկու երկրների հարաբերությունները, բայց խնդիրն այն է, որ Ադրբեջանը փորձելու է ամեն ինչ անել, որ այդ խաղաղության պայմանագրով Հայաստանը ճանաչի Արցախը որպես Ադրբեջանի մաս: Չեմ կարծում, որ սա հաջողվելու է, բայց Ադրբեջանը փորձելու է: Մենք էլ պետք է ասենք, որ սա անընդունելի է: Եթե Արցախը բռնակցվեց Ադրբեջանին, հերթը գալու է Երեւանին: Թուրքիան ու Ադրբեջանը կփորձեն այդ պայմանագրի մեջ մտցնել մի կետ, որտեղ կփորձեն Հայաստանին ստիպել, որ Արցախը ճանաչի Ադրբեջանի մաս: Հայաստանը չի ճանաչի»:
Հարցին, թե վստա՞հ է այդ հարցում, նա պատասխանեց. «Այլ տարբերակ չկա: Ես չեմ պատկերացնում որեւէ հայ, Հայաստանի ղեկավար՝ անկախ քաղաքական հայացքներից, որ կարող է Արցախը Ադրբեջանի մաս ճանաչել, որովհետեւ դրանից հետո նաեւ Երեւանը պետք է ճանաչվի Արեւմտյան Ադրբեջանի մայրաքաղաք, մի հատ էլ ներողություն խնդրենք, որ այստեղ ապրել ենք ու ադրբեջանական բարիքներն օգտագործել ենք անօրինական ձեւով մեր շահերի համար»:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը