նիկոլին ընտրողները նրանից հիասթափվել են. Արմեն Բաղդասարյան

Մի անգամ համբերության բաժակը կաթիլ-կաթիլ լցվելու արդյունքում Նիկոլ Փաշինյանին հասարակությունը բերեց իշխանության, բայց երկրորդ անգամ այդ նույն սխալը չի անի: Ասուլիսի ժամանակ ասաց քաղաքագետ Արմեն Բաղդասարյանը:

«Ամենաշատը հասարակությունն է հուսահատվել, նրանք տեսել են, որ մենք ժողովրդի ծոցից ելած լիդերին բերեցինք իշխանության և ինչ ունեցանք արդյունքում: Երկրորդ անգամ դա չի լինի, երկրորդ անգամ այլ մեխանիզմ պետք է աշխատի, արդեն պետք է աշխատի ողջամտությունը»:

Ես չեմ կարծում, որ Բրյուսելում որևէ առաջխաղացում է տեղի ունեցել, հակառակը՝ իմ տպավորությունն այն էր, որ ոչ մի առաջխաղացում էլ տեղի չի ունեցել, ասաց քաղաքագետ Արմեն Բաղդասարյանը:

«Ասում են, թե հաջորդ հանդիպումը կլինի նոյեմբերին, այսինքն երեք ամիս անց և այն դեպքում, երբ իրադարձությունները և՛ մեր տարածաշրջանում, և՛ ամբողջ աշխարհում շատ արագ են զարգանում և անոնսավորել հաջորդ հանդիպումը երեք ամիս անց, նշանակում է, որ գործընթացը տեղապտույտի մեջ է»:

Ինչ վերաբերում է ՊԲ նախկին հրամանատարի կալանավորմանը, քաղաքագետն ասաց. «Այստեղ ևս նորություն չկա, որովհետև Նիկոլ Փաշինյանի գործելաոճն է՝ բոլորին կարգել մեղավոր՝ իրենից բացի»: