Դրեյքը «Shazam»-ում ամենաշատ որոնված արտիստն է

Կանադացի ռեփեր Դրեյքը ճանաչվել է «Shazam»-ում ամենաշատ որոնված կատարողը, հայտնում է Variety-ն։

Դրեյքը «Shazam»-ում 350 միլիոն հարցում է ունեցել։ Միեւնույն ժամանակ, «One Dance» կոմպոզիցիան դարձել է նրա ամենահայտնի երգը. օգտատերերն այս երգը որոնել են 17 միլիոն անգամ:

«Shazam»-ը 2022 թվականին նշում է իր 20-ամյակը։ Հավելվածի առաջին տարբերակը հայտնվել է 2002 թվականին՝ տեքստային հաղորդագրությունների ծառայության տեսքով։ Օգտատերերը կարող էին գտնել իրենց դուր եկած կոմպոզիցիան՝ հեռախոսով հավաքելով թվերի որոշակի համակցություն։ Դրանից հետո նրանք պետք է սարքը մոտեցնեին բարձրախոսին։